మహేష్ కోసం పోటీ పడుతున్నఇద్దరు దర్శకులు..
cinema | Suryaa Desk | Published : Fri, Feb 28, 2020, 06:59 PM
అనిల్ రావిపూడి దర్శకత్వంలో సంక్రాంతి కానుకగా విడుదలైన సరిలేరు నీకెవ్వరు సినిమా తో హిట్ కొట్టిన మహేష్ బాబు ఆయన తదుపరి సినిమా వంశీ పైడిపల్లి దర్శకత్వంలో తెరకెక్కాల్సింది అయితే, కొన్ని కారణాల వలన ఈ సినిమా ఆలస్యం అయ్యేలా ఉందట. ఈ నేపథ్యంలో మహేష్ కొత్త కథలు కోసం చూస్తున్నటు తెలుస్తోంది. అయితే మరి మహేష్ తన తరువాత సినిమా ఎవరితో చేస్తాడు అనేది లేకుండా అందరూ వంశీ పైడిపల్లి అనే అనుకున్నారు. అయితే అనుకోని విధంగా పైడిపల్లి కి పోటీగా గీత గోవిందం దర్శకుడు పరశురామ్ తో సినిమా చేస్తున్నాడు సూపర్ స్టార్ అనే వార్త టాలీవుడ్ లో చక్కర్లు కొట్టింది. అయితే ఈ విషయాన్ని నిజం చేస్తూ ఇప్పుడు ఆ సినిమా డేట్ కూడా వచ్చేసింది. మహేష్ బాబు-పరశురామ్ సినిమా జూలై లో ప్రారంభించనున్నారు. అయితే ఈ సినిమాకి గోపిసుందర్ సంగీతం అందించనున్నారు. మైత్రి మూవీ మేకర్స్ ఈ సినిమాను నిర్మించబోతోంది. 2021 సమ్మర్ లో సినిమాను విడుదల చేయాలి అనుకుంటుంది చిత్ర బృందం. అయితే ఈ జూలై లోపు సూపర్ స్టార్ కొరటాల శివ దర్శకత్వం లో వస్తున్న చిరంజీవి 152 సినిమాలో ఓ ముఖ్యమైన పాత్రలో నటించనున్నారు అని సమాచారం.
|
|