'ఉమామ‌హేశ్వ‌ర ఉగ్ర‌రూప‌స్య‌’ సినిమా నుంచి ‘నింగి చుట్టే మేఘం’ సాంగ్ ను రిలీజ్ చేసిన యాంకర్ సుమ...

తెలుగు సినిమా స్థాయిని అంత‌ర్జాతీయ స్థాయికి తీసుకెళ్లిన చిత్రం `బాహుబ‌లి`. తెలుగు సినిమా ప్రేక్ష‌కులు గ‌ర్వ‌ప‌డే ఈ గొప్ప చిత్రాన్ని అందించిన నిర్మాత‌లు శోభు యార్ల‌గ‌డ్డ‌, ప్ర‌సాద్ దేవినేని. అంత భారీ బ్లాక్‌బ‌స్ట‌ర్ చిత్రాన్ని అందించిన ఈ నిర్మాత‌లు అందిస్తోన్న మ‌రో కంటెంట్ బేస్డ్ మూవీ `ఉమామ‌హేశ్వ‌ర ఉగ్ర‌రూప‌స్య‌`.ఆర్కా మీడియా వ‌ర్క్స్,  మ‌హాయాణ మోష‌న్ పిక్చ‌ర్స్ బ్యాన‌ర్స్‌పై  శోభు యార్ల‌గ‌డ్డ‌, ప్ర‌సాద్ దేవినేని, విజ‌య ప్ర‌వీణ ప‌రుచూరి నిర్మాత‌లుగా `కేరాఫ్ కంచ‌పాలెం` ఫేమ్ వెంక‌టేశ్ మ‌హ ద‌ర్శ‌క‌త్వంలో ఓ సినిమాను రూపొందిస్తున్నారు. ఈ సంద‌ర్భంగా జాతీయ అవార్డు గ్ర‌హీతలు బిజ్‌బ‌ల్ సంగీతం అందించిన ఈ సినిమాలో తొలి పాట‌ను చిత్ర యూనిట్ విడుద‌ల చేసింది. విశ్వ సాహిత్యాన్ని అందించిన ఈ పాట‌ను విజ‌య్ యేసుదాస్ ఆల‌పించారు. ఈ పాటను ప్రముఖ యాంకర్ సుమ విడుదల చేశారు.  ఇప్ప‌టికే విడుద‌లైన టీజ‌ర్‌కి చాలా మంచి స్పంద‌న వచ్చింది. మ‌ల‌యాళ హీరో ఫాహ‌ద్ ఫాజిల్ హీరోగా న‌టించిన హిట్ చిత్రం `మ‌హేశింతే ప్ర‌తీకార‌మ్‌` చిత్రానికి ఇది రీమేక్‌. స‌త్య‌దేవ్  హీరోగా న‌టిస్తున్నారు. ఏప్రిల్ 17న సినిమా విడుద‌ల కానుంది.
న‌టీన‌టులు: స‌త్య‌దేవ్‌, న‌రేశ్‌, సుహాస్, జ‌బ‌ర్‌ద‌స్త్ రాంప్ర‌సాద్‌, టీఎన్ఆర్‌, ర‌వీంద్ర విజ‌య్‌, కె.రాఘ‌వ‌న్ త‌దిత‌రులు
సాంకేతిక వ‌ర్గం: ద‌ర్శ‌క‌త్వం:  వెంక‌టేశ్ మ‌హా ,నిర్మాత‌లు:  విజ‌య్ ప్ర‌వీణ ప‌రుచూరి, శోభు యార్ల‌గ‌డ్డ‌, ప్ర‌సాద్ దేవినేని ,ఎగ్జిక్యూటివ్ ప్రొడ్యూస‌ర్‌:  వసంత్ జుర్రు ,లైన్ ప్రొడ్యూస‌ర్‌:  ప్ర‌జ్ఞ‌య్ కొనిగ‌రి ,ప్రొడ‌క్ష‌న్ కంట్రోల‌ర్‌:  రాము.ఆర్‌.కె ,సినిమాటోగ్ర‌ఫీ: అప్పు ప్ర‌భాక‌ర్‌ ,సంగీతం:  బిజిబ‌ల్‌ ,ఎడిట‌ర్‌:  ర‌వితేజ గిరిజాల‌ ,క‌థ‌: శ‌్యామ్ పుష్క‌ర‌న్‌ ,కాస్ట్యూమ్స్‌:  అమృత బొమ్మి ,సౌండ్ డిజైన‌ర్‌:  నాగార్జున త‌ల‌ప‌ల్లి ,ప్రొడ‌క్ష‌న్ డిజైన‌ర్‌:  సుశాంత్ సావంత్‌