రామ్ చరణ్ సంచలన నిర్ణయం షాక్ లో స్టార్ డైరెక్టర్స్..

బాహుబలి సినిమాల తర్వాత రాజమౌళి దర్శకత్వంలో అత్యంత ప్రతిష్ఠాత్మకంగా తెరకెక్కుతున్న సినిమా RRR. మెగా హీరో రామ్ చరణ్, యంగ్ టైగర్ ఎన్టీఆర్ హీరోలుగా నటిస్తున్నారు. ఈ చిత్ర షూటింగ్ పూర్తి కావడానికి మరో నాలుగు నెలలైనా కచ్చితంగా పట్టేలా కనిపిస్తుంది. అప్పటి వరకు మరో సినిమా గురించి ఆలోచించే టైమ్ చరణ్ దగ్గర లేదు. ఈ చిత్రంలో జూనియర్ ఎన్టీఆర్ మరో హీరోగా నటిస్తున్నాడు. ఈ ఇద్దరిపై వచ్చే సన్నివేశాలు చిత్రీకరిస్తున్నాడు జక్కన్న. ఇదిలా ఉంటే RRR సినిమా సెట్స్‌పై ఉండగానే ఇప్పుడు మరో సినిమా గురించి ఆలోచిస్తున్నాడు చరణ్. ఈయన తర్వాతి సినిమా ఏంటనేది ఇప్పటి వరకు క్లారిటీ రాలేదు. ఎన్టీఆర్ ఇప్పటికే త్రివిక్రమ్‌ను లైన్‌లో పెట్టేసాడు. ఈయనతోనే నెక్ట్స్ సినిమా చేయబోతున్నాడు. దీనికి కళ్యాణ్ రామ్, రాధాకృష్ణ నిర్మాతలు.మరోవైపు రామ్ చరణ్ కూడా ఇప్పుడే తర్వాతి సినిమాను సెట్ చేసుకుంటున్నాడు. ఇందులో భాగంగానే ఈయన కొందరు దర్శకులు చెప్పే కథలు వింటున్నాడు. ఇప్పటికే హరీష్ శంకర్, సుజీత్, గౌతమ్ తిన్ననూరి, అనిల్ రావిపూడి లాంటి దర్శకులు చరణ్‌ను కలిసి లైన్స్ చెప్పారని తెలుస్తుంది. అయితే వీళ్లందరి కంటే కూడా రేస్‌లో ఓ కొత్త దర్శకుడు ముందున్నాడని తెలుస్తుంది. రాజమౌళి తర్వాత ఈయన సంచలన నిర్ణయం తీసుకుంటున్నాడని ప్రచారం జరుగుతుంది. ఇంతమంది దర్శకులు ఉండగా.. ఇప్పుడు వాళ్లందర్నీ కాదని కొత్త దర్శకుడికి అవకాశం ఇవ్వాలని చూస్తున్నాడు చరణ్.

RRR లాంటి పాన్ ఇండియా తర్వాత కచ్చితంగా చరణ్ సినిమాలకు అన్ని ఇండస్ట్రీలలో కూడా డిమాండ్ పెరిగిపోతుంది. అది తెలిసి కూడా ఇప్పుడు స్టార్ డైరెక్టర్స్ కాదని ప్రదీప్ అనే కొత్త కుర్రాడు చెప్పిన కథకు చరణ్ ఫ్లాట్ అయ్యాడని తెలుస్తుంది. అయితే ఈ స్క్రిప్ట్‌పై మరిన్ని రోజులు కూర్చోవాలని ప్రదీప్‌కు రామ్ చరణ్ చెప్పినట్లు వార్తలొస్తున్నాయి. ఈ కథతో చరణ్ ఎన్నో రోజులుగా ట్రావెల్ చేస్తున్నాడని.. చిరంజీవి కూడా ఈ కథలో కొన్ని మార్పులు చేర్పులు సూచించాడని తెలుస్తుంది. అన్నీ అనుకున్నట్లు జరిగితే రాజమౌళి సినిమా తర్వాత రామ్ చరణ్ ఈ కొత్త దర్శకుడితో సినిమా చేయబోతున్నాడు.
ఇదే కానీ నిజమైందంటే మాత్రం అంతకంటే సంచలనం మరోటి ఉండదు. రామ్ చరణ్ కెరీర్ మొదలుపెట్టిన తర్వాత ఇప్పటి వరకు కొత్త దర్శకుడితో ఎప్పుడూ పని చేయలేదు. ఇప్పుడు కానీ ప్రదీప్ సినిమా వర్కవుట్ అయితే కెరీర్‌లో తొలిసారి ఓ కొత్త దర్శకుడిని చరణ్ లాంఛ్ చేసినట్లే. అయినా కూడా రాజమౌళి లాంటి దర్శకుడితో పని చేసిన తర్వాత సడన్‌గా కొత్త దర్శకుడు అంటే ఆశ్చర్యంగానే ఉంటుంది. కానీ కథ అంతగా నచ్చిందని తెలుస్తుంది. ఏదేమైనా కూడా ఈ ప్రాజెక్ట్ వర్కవుట్ అయితే చరణ్ కెరీర్‌లో అతిపెద్ద సాహసం ఇదే అవుతుంది.