చైతు నెక్స్ట్ మూవీ టైటిల్ ఇదేనా?
cinema | Suryaa Desk | Published : Sat, Mar 07, 2020, 07:11 PM
నాగచైతన్య హీరోగా లవ్ స్టోరీ సినిమా చేస్తున్నారు. శేఖర్ కమ్ముల దర్శకత్వంలో తెరకెక్కుతున్న ఈ మూవీలో సాయి పల్లవి హీరోయిన్ గా చేస్తున్నది. ఈ సినిమాపై అంచనాలు భారీగా ఉన్నాయి. శేఖర్ కమ్ముల సినిమాలు సహజత్వానికి చాలా దగ్గరగా ఉంటాయి. ఈ విషయం అందరికి తెలిసిందే. అయితే దీని తరువాత చై .. మరో బ్లాక్ బస్టర్ డైరెక్టర్ పరశురామ్ కాంబినేషన్లో నటించాల్సి ఉంది. అయితే పరశురామ్ మహేశ్ బాబు ప్రాజెక్ట్తో బిజీ అవటంతో చైతన్య మరో రెండు కొత్త ప్రాజెక్ట్స్కి గ్రీన్ సిగ్నెల్ ఇచ్చాడట. వీటిలో ఒకటి సమంతకి 'ఓ బేబీ' లాంటి సూపర్ హిట్ అందించిన నందిని రెడ్డితో ఓ మూవీ కాగా.., మరోటి అక్కినేని ఫ్యామిలీకి 'మనం' వంటి ఫీల్ గుడ్ మూవీని అందించిన విక్రమ్ కుమార్ తో దిల్ రాజు నిర్మించే మరో సినిమా. చైతు కూడా ఈ సినిమా చేయడానికే ఆసక్తి చూపుతున్నాడని సమాచారం. దిల్ రాజు బ్యానర్ లో తెరకెక్కనున్న ఈ రొమాంటిక్ యాక్షన్ ఎంటర్ టైనర్ కి 'థాంక్యూ' అన్న టైటిల్ ఫిక్స్ చేసినట్టు తెలుస్తోంది. ఈ క్రేజీ ప్రాజెక్ట్ త్వరలో అధికారికంగా ప్రకటించనున్నారు.
|
|