తమన్ మాయ చేస్తున్నాడు...
cinema | Suryaa Desk | Published : Mon, Mar 09, 2020, 06:35 PM
తమన్ మారిపోయాడనే మాట ఇప్పుడు తరచూ వినపడుతోంది. ఒకప్పుడు కాపీ సాంగ్స్.. కాపీ సాంగ్స్ అంటూ ఎగతాళి చేసిన ఎందరో ఇప్పుడు తమన్ మారిపోయి తన సంగీతంతో మాయచేస్తున్నాడంటున్నారు. అంతటి మార్పు ఇంత తక్కువ కాలంలో ఎవరిలోనూ కనపడలేదని అంటున్నారు. తమన్ తన సినీ కెరీర్ లో కొన్ని వందల సినిమాలు చేసాడు. కానీ గుర్తింపు రావడం లేదు. గుర్తింపు రాకపోగా కామెంట్లు చేసేవారు ఎక్కువైతున్నారు. వరుస ప్లాపుల తర్వాత తమన్ తనతో తానే చర్చించుకున్నాడు. తనలో తానే మాట్లాడుకున్నారు. తనంతట తానే మారాడు. ఇప్పుడు సంగీత ప్రియులు కోరుకునే విధంగా 'తొలిప్రేమ', 'భాగమతి', 'అరవింద సమెత', 'అల వైకుంఠపురములో', ఇప్పుడు 'వకీల్ సాబ్' లాంటి సినిమాలు చేసి ఒక్కో సినిమాతో తన స్థాయిని పెంచుకుంటూ వెళ్ళాడు. మనసు పెట్టి చేస్తే మిలియన్ల వ్యూసూ కొట్టొచ్చు, మిలియన్ల మంది మనసులు దోచుకోవచ్చేనే తమన్ ఆలోచన ముందు కష్టాలు, కామెంట్లు ఏపాటివి. సంక్రాంతి ముందు నుండి అల వైకుంఠపురములో సాంగ్స్ నాలుగు దిక్కులా వినపడుతుంటే.. ఇప్పుడు ఉగాది ముందు నుండి 'వకీల్ సాబ్' సినిమాలోని సాంగ్స్ అలరిస్తాయనిపిస్తుంది.
|
|