మెగా హీరోలంతా త్రివిక్రమ్ పై కన్నేశారు

త్రివిక్రమ్ శ్రీనివాస్ తెలుగు సినీ మాటల రచయిత, కథారచయిత, దర్శకుడు. ఇతని రచన హాస్యానికి, ఆలోచనను రేకెత్తించే దృక్పథానికి, కుటుంబవిలువలకీ పెట్టింది పేరు. ఒక దర్శకుడు సక్సెస్ అయితే మిగిలిన హీరోలంతా ఆ దర్శకుడితో సినిమా చేయాలనుకోవడం  చాలా  కామన్. అయితే మెగా స్టార్ ఫ్యామిలీ నుంచి దాదాపు అరడజను కు పైగా హీరోలు ఉన్న విషయం తెలిసిందే. ఇప్పుడు ఈ హీరోలంతా. ఒకే దర్శకుడు పై కన్నేశారు. టాలీవుడ్ లో మినిమమ్ గ్యారెంటీ ఉన్న దర్శకుడు త్రివిక్రమ్. ఒక్క 'అజ్ఞాతవాసి' సినిమా తప్ప మిగిలిన సినిమాలన్నీ విజయాలు సాధించాయి. అయితే ఇప్పుడు మెగా హీరోలంతా ఈ దర్శకుడి వెనక పడుతున్నారు. ఇటీవల బన్నీతో 'అల వైకుంఠపురం లో' సినిమా చేసి సక్సెస్ సాధించిన త్రివిక్రమ్ ప్రస్తుతం ఎన్టీఆర్ తో సినిమా చేస్తున్నాడు. ఆ సినిమా తర్వాత త్రివిక్రమ్ ఎవరితో సినిమా చేస్తాడన్నది ఇంతవరకు క్లారిటీ రాలేదు. అయితే మెగాస్టార్ చిరంజీవి త్రివిక్రమ్ తో సినిమా చెయ్యాలనుందని ఆ మధ్య ఒక సందర్భంలో అన్నారు. దాంతో చిరు సినిమా ఉండే అవకాశం ఉందని అభిమానులు అనుకుంటున్నారు. అదేవిధంగా రామ్ చరణ్ కూడా త్రివిక్రమ్ తో సినిమా చెయ్యడానికి సిద్ధంగా ఉన్నాడు. ఇక పవన్ ప్రస్తుతం వరుసగా మూడు సినిమాలు కమిట్ అయ్యి ఉన్నాడు. ఆ తరువాత త్రివిక్రంతో సినిమా ప్లాన్ చేస్తున్నాడు. అదే విధంగా బన్నీ కూడా త్రివిక్రమ్ తో మరోసారి చెయ్యాలని చూస్తున్నాడు. మిగిలిన కుర్ర హీరోలు సాయి తేజ్ , వరుణ్ తేజ్ కూడా గురూజీ తో ఒక్క సినిమా అయినా చెయ్యాలని చూస్తున్నారు. మరి త్రివిక్రమ్ ఎవరితో సినిమా చేస్తారో చూడాలి.