గౌతమ్ మీనన్ సినిమాలో అనుష్క..?
cinema | Suryaa Desk | Published : Sun, Mar 15, 2020, 04:52 PM
‘భాగమతి’ తర్వాత అనుష్క శెట్టి నుంచి మరో సినిమా రాలేదు. దాదాపు రెండేళ్లు గ్యాప్ తీసుకున్నారు. కొన్నినెలల పాటు బరువు తగ్గేందుకు అమెరికాకు కూడా వెళ్లారు. ఆ తర్వాత తన తర్వాతి సినిమా ‘నిశ్శబ్దం’ అంటూ ఫ్యాన్స్ను సర్ప్రైజ్ చేసారు అనుష్క. హేమంత్ మధుకర్ దర్శకత్వం వహించిన ఈ సినిమాలో మాధవన్ అనుష్క జంటగా నటించారు. ఏప్రిల్ 2న ఈ చిత్రం తెలుగు, హిందీ, ఇంగ్లీష్, మలయాళ భాషలలో విడుదల కాబోతుంది. ఇక ఈ సినిమా రిలీజ్ కు సిద్ధంగా ఉండగానే తాజాగా గౌతమ్ మీనన్ కు ఛాన్స్ ఇచ్చినట్లు వార్తలు వైరల్ అవుతున్నాయి.ఇప్పటికే కథను కూడాసిద్దం చేసారని త్వరలో స్క్రిప్ట్ ఫైనల్ అవుతుందని తెలుస్తుంది. గౌతమ్ మీనన్ తో పాటు మరో ఇద్దరు దర్శకులు కూడా అనుష్కతో సినిమా చేయడానికి సిద్దమౌతున్నారని వినికిడి. ఇదిలా ఉంటే కరోనా కారణంగా నిశ్శబ్దం చిత్రం వాయిదా పడనుంది. ఈ సినిమాలో అనుష్క ఆర్ట్ లవర్ గా కనిపించనుంది. ఇక మాధవన్ ఈ సినిమాలో సెల్లో ప్లేయర్ గా నటించనున్నాడు. ఇక ఈ చిత్రంలో అనుష్క, మాధవన్ లతో పాటు సుబ్బరాజు, అంజలి, షాలిని పాండే తో పాటు ప్రముఖ హాలీవుడ్ నటుడు మైఖేల్ మాడిసన్ ముఖ్య పాత్రల్లో నటిస్తున్నారు.
|
|