'చరణ్' బర్త్ డే గిఫ్ట్ గా స్పెషల్ సాంగ్
cinema | Suryaa Desk | Published : Sun, Mar 15, 2020, 05:57 PM
మెగా పవర్ స్టార్ రామ్ చరణ్ తేజ్ ప్రస్తుతం దర్శక ధీరుడు రాజమౌళి దర్శకత్వంలో ‘ఆర్ ఆర్ ఆర్’ చిత్రంలో నటిస్తున్నారు. ఇందులో ఆయన అల్లూరి సీతారామరాజులా కనిపించబోతున్నారు. ఈ నెల 27న రామ్ చరణ్ బర్త్డే కావడంతో ఇప్పటి నుండే ఆయన అభిమానులు బర్త్డేకి సంబంధించిన ఏర్పాట్లు చేస్తున్నారు. ఈ క్రమంలో వెంకటాద్రి టాకీస్ ఎగ్జిక్యూటివ్ ప్రొడ్యూసర్, రాష్ట్ర చిరంజీవి యువత జనరల్ సెక్రటరీ శివ చెర్రీ కలిసి రామ్ చరణ్ బర్త్డే సందర్భంగా స్పెషల్ సాంగ్ రూపొందిస్తున్నారు. తాజాగా ఆ పాటకి సంబంధించి ప్రోమో విడుదల చేశారు. బర్త్డే స్పెషల్ సాంగ్ని స్కార్పియన్ ఆలపించారు. పూర్తి సాంగ్ని మార్చి 24 సాయంత్రం 4గం.లకి విడుదల చేయనున్నారు. ఫుల్ సాంగ్ కోసం ఫ్యాన్స్ ఎంతో ఆసక్తిగా ఎదురు చూస్తున్నారు. మరో వైపు ఆర్ఆర్ఆర్ సినిమా ఫస్ట్ లుక్ని చరణ్ బర్త్డే సందర్భంగా విడుదల చేస్తారని ఇటీవల ప్రచారం జరగగా,దీనికి సంబంధించిన అఫీషియల్ అనౌన్స్మెంట్ ఎప్పుడు వస్తుందా అని ఫ్యాన్స్ చాలా ఆసక్తిగా వేచి చూస్తున్నారు.
|
|