ట్రెండింగ్
'కలెక్షన్ కింగ్' మోహన్ బాబు బర్త్ డే స్పెషల్ ...
cinema | Suryaa Desk | Published : Thu, Mar 19, 2020, 12:29 PM
కలెక్షన్లకు రారాజు ఆయన. అలవోకగా డైలాగులు చెప్పగలిగే దిట్ట ఆయన. ఆయనే లెజండరీ డైరెక్టర్ దాసరి నారాయణరావు ప్రియ శిష్యుడు.. సూపర్ స్టార్ రజినీకాంత్ కి అత్యంత సన్నిహితుడు 'మోహన్ బాబు'. మోహన్ బాబు పుట్టినరోజు సందర్భంగా ఆయన సినీ ప్రస్థానాన్ని గుర్తుచేసుకుందాం. 'స్వర్గం నరకం' చిత్రంతో సినీ ప్రయాణం ప్రారంభించిన మోహన్బాబు దాదాపు 500 సినిమాలకు పైగా నటించారు. విలన్ గా.. హీరోగా.. అతిథి పాత్రల్లో నటించి నవరసాలు పండించాడు. ఆయన హీరోగా నటించిన చిత్రాలు బాక్సాఫీస్ వద్ద సంచలనం సృష్టించడంతో అభిమానుల గుండెల్లో 'కలెక్షన్ కింగ్'గా కొలువయ్యాడు. కళారంగంలో, విద్యారంగంలో మోహన్బాబు చేసిన విశిష్ట సేవలను గుర్తించిన కేంద్రప్రభుత్వం 2007లో ఆయన్ని పద్మశ్రీతో సత్కరించింది. అంతేకాక మోహన్ బాబు 1995 నుండి 2001 వరకు రాజ్య సభ సభ్యునిగా పనిచేశాడు.
|
|