జబర్దస్త్ లో ఎంట్రీ ఇచ్చిన బాబు మోహన్..
cinema | Suryaa Desk | Published : Fri, Mar 20, 2020, 06:02 PM
తెలుగు బుల్లితెరపై జబర్దస్త్ కామెడీ షోకు ఉన్న క్రేజ్ గురించి ఎంతని చెప్పాలి. అది తెలిసే చాలా మంది తమ సినిమా ప్రమోషన్స్ కోసం కూడా అక్కడికి వస్తుంటారు. ఇప్పటికీ అదే ట్రెండ్ కొనసాగుతుంది. ముఖ్యంగా కొందరు కమెడియన్లు తమ స్కిట్స్ కోసం ప్రముఖులను కూడా తీసుకొస్తుంటారు. ఇండస్ట్రీలో ఉన్న సీనియర్ కమెడియన్లను.. నటులను అప్పుడప్పుడూ జబర్దస్త్ స్టేజీపై చూస్తుంటాం. ఇప్పటికే చాలా మంది అలా వచ్చారు. తెలంగాణ శకుంతల బతికున్నపుడు జబర్దస్త్ షోలో కనిపించింది.గుండు హనుమంతరావు కూడా వచ్చాడు. ఇక వాళ్లతో పాటు జయప్రకాశ్ రెడ్డి లాంటి వాళ్లు కూడా వచ్చారు. సాయి ధరమ్ తేజ్ లాంటి స్టార్ హీరోలు కూడా అప్పుడప్పుడూ జబర్దస్త్ షోలో కనిపించారు. ఇప్పుడు మాజీ మంత్రి, సీనియర్ కమెడియన్ బాబూ మోహన్ కూడా జబర్దస్త్ కామెడీ షోలో కనిపించాడు. తాజాగా ఓ స్కిట్లో ఆయన కూడా నటించాడు. చినుకు చినుకు అందెలతో అంటూ పాడుకుంటూ గొడుగు అడ్డు పెట్టుకుని ఎంట్రీ ఇచ్చాడు ఈయన.అదిరే అభి స్కిట్ కోసం బాబు మోహన్ వచ్చాడు. ఆయన రాగానే శేఖర్ మాస్టర్తో పాటు రోజా కూడా ఒక్కసారిగా షాక్ అయిపోయారు. ఇక అనసూయ అయితే విజిల్స్ వేసింది కూడా. ఎన్నో వందల సినిమాల్లో నటించిన బాబు మోహన్ ఈ మధ్య సినిమాలకు కాస్త దూరంగా ఉన్నారు. మొన్నటి వరకు రాజకీయాలతో బిజీగా ఉన్న ఈయన ఇప్పుడు ఖాళీగానే ఉన్నాడు. ఇఫ్పుడు ఇలా జబర్దస్త్కు వచ్చిన సర్ప్రైజ్ ఇచ్చాడు.
|
|