నైటీలంటే ఇష్టమంటున్న దీపికా...
cinema | Suryaa Desk | Published : Thu, Mar 26, 2020, 12:23 PM
దాదాపు రెండు వారాలుగా చిత్ర పరిశ్రమ స్తంభించిన విషయం తెలిసిందే. కరోనా వైరస్ భయంతో ముందస్తు జాగ్రత్తగా ఈ నిర్ణయం తీసుకున్నారు. ప్రజలు గుమిగూడే ప్రాంతాలను వీలయినంత వరకు తగ్గించాలనే ఉద్దేశంతో సినిమా హాళ్ళను మూసివేశారు. షూటింగ్లు నిలుపు చేశారు. దాంతో ఆర్టిస్టులు, సాంకేతిక నిపుణులు అందరూ ఇంటికే పరిమితయ్యారు. కొందరు రోజువారి వ్యాయామం చేస్తూనే, ఇంటిని చక్కబెట్టుకుంటున్నారు. సహజంగా హాలీడేస్ దొరికితే తారలు విదేశాలకు చెక్కేస్తుంటారు. కానీ ఈ సారి ఆ ఛాన్స్ లేదు. కచ్చితంగా ఇంట్లో ఉండాల్సిందే. సెలబ్రిటీలు కావడం వల్ల నిబంధనలు అతిక్రమించి బయటకు వస్తే విమర్శల పాలవుతారు. నటి దీపిక పదుకోనె కూడా ఇంటికే పరిమితం అయ్యారు. ఒకవైపు దినచర్యను జరుపుకుంటూనే సన్నిహితులతో వాట్సాప్లో ఛాటింగ్ చేశఆరట. వరుణ్ ధావన్కు, దీపికకు మధ్య జరిగిన ఛాటింగ్ సరదాగా, ఆసక్తిగా జరిగింది. లాక్ డౌన్ కారణంగా ఇంట్లో దుస్తులు సర్దుకుంటున్నాను అని దీపికా ఒక ప్రశ్నకు సమాదానం చెప్పింది. బదులువుగా నువ్వు ఎప్పుడూ నైటీలోనే కనిపిస్తావేమిటీ? అని వరుణ్ ధావన్ ఆసక్తిగా ప్రశ్నించాడు. సమాధానంగా నాకు నైట్ డ్రెస్లో ఉండడమే ఇష్టం. చాలా కంఫర్టబుల్గా ఉంటుందని చెప్పిందట. పైగా ఎనీటైమ్ ఏపని అయినా చేయవచ్చని సరదాగా సమాధానం చెప్పిందట. ఇంత సరదాగా మాట్లాడుకునే సాన్నిహిత్యం వారికి ఉంది. వీరి సంభాషణలను అందరూ ఎంజాయ్ చేస్తున్నారు.
|
|