హీరోయిన్ శ్రియ భర్త ఆండ్రూ కొచీవ్ కరోనా ?
cinema | Suryaa Desk | Published : Tue, Apr 14, 2020, 05:27 PM
కరోనా దెబ్బకు సెలబ్రిటీలు, సామాన్యులు అనే తేడా లేకుండా అంతా బెంబేలెత్తిపోతున్నారు. సెలబ్రిటీలు సైతం... కరోనా నుంచి తమను తాము రక్షించుకునేందుకు ఇంటికే పరిమితమవుతున్నారు. అయితే కొందరు సెలబ్రిటీలను మాత్రం కరోనా టెన్షన్ పెడుతోంది. తాజాగా ఈ లిస్టులో శ్రియ కూడా చేరిపోయినట్టు తెలుస్తోంది. ఈ వార్తలపై శ్రియ స్పందించింది. తన భర్త ఆండ్రూ కొచీవ్ పొడి దగ్గు, జ్వరం వంటి కరోనా లక్షణాలతో బాధపడుతున్నాడని వివరణ ఇచ్చింది. దీంతో ముందస్తు జాగ్రత్తలో భాగంగా ఆండ్రూ సెల్ఫ్ క్వారంటైన్లో తమ ఇంట్లోనే ప్రత్యేక గదిలో ఉంటున్నాడని క్లారిటీ ఇచ్చింది.కరోనా విజృంభిస్తున్న వేళ తన భర్తకు కోవిడ్ లక్షణాలు కనిపించడంతో ఒక్కసారిగా ఉలిక్కిపడినట్లు వివరించింది. అయితే ఇప్పటివరకైతే ఎలాంటి ఇబ్బంది లేదని, ఒకవేళ మరింత ఇబ్బంది ఎదురైతే ఆస్పత్రికి తరలిస్తామని తెలిపింది. ఇక లాక్డౌన్ సమయాన్ని భర్త ఆండ్రూ కొచీవ్తో సరదాగా గడుపుతున్నానని శ్రియ సోషల్ మీడియాలో గతంలో పేర్కొంది. మొత్తానికి కరోనా లక్షణాలు ఉన్న ఆమె భర్త మహమ్మారి బారిన పడకుండా ఉండాలని ఈ ముద్దుగుమ్మ ఫ్యాన్స్ కోరుకుంటున్నారు.
|
|