కత్రినాకు ఆలియా భట్ సలహా
cinema | Suryaa Desk | Published : Thu, Feb 01, 2018, 04:13 PM
బాలీవుడ్ కత్రినా కైఫ్ జిమ్ను వదిలేసి ఇక అబ్బాయిలపై దృష్టిపెట్టాలని అంటోంది నటి ఆలియా భట్. ప్రముఖ నటి నేహా ధుపియా వ్యాఖ్యాతగా వ్యవహరిస్తున్న ‘వోగ్ బీఎఫ్ఎఫ్’ చాట్ షోలో స్నేహితులైన కత్రినా, ఆలియా పాల్గొన్నారు. ఈ సందర్భంగా ఒకరికొకరు సలహాలు ఇచ్చుకోవాల్సిందిగా ఆలియా, కత్రినాను నేహా కోరింది.
ఈ నేపథ్యంలో ఆలియా..కత్రినాకు సలహా ఇస్తూ..‘జిమ్ వదిలేసి ఇక అబ్బాయిలపై దృష్టిపెట్టు’ అంది. దీనికి కత్రినా..‘నువ్వు త్వరగా పెళ్లి చేసుకుంటే చూడాలని ఉంది’ అని ఆలియాకు సలహా ఇచ్చింది. అనంతరం కత్రినా గురించి కొన్ని ఆసక్తికర విషయాలను పంచుకుంది ఆలియా. ఆమె చెప్పిన సమయానికి రాదని ఈ ఒక్క విషయంలో కత్రినా తనకు నచ్చదని పేర్కొంది. రోజూ తాను కత్రినాను కలవకపోయినా ఒకరికొకరం తోడుగా ఉంటామని ఆలియా చెప్పింది.
కెరీర్ పరంగా ఆలియా ప్రస్తుతం ‘బ్రహ్మాస్త్రా’, ‘గల్లీ బాయ్స్’ చిత్రాల్లో నటిస్తోంది. మరోపక్క కత్రినా ‘థగ్స్ ఆఫ్ హిందుస్థాన్’, ‘జీరో’ చిత్రాలతో బిజీగా ఉంది.
|
|