యూత్ని ఆకట్టుకునేలా ‘తొలిప్రేమ’ ట్రైలర్
cinema | Suryaa Desk | Published : Fri, Feb 02, 2018, 11:51 AM
‘జ్ఞాపకాలు చెడ్డవైనా మంచివైనా ఎప్పటికీ మనతోటే ఉంటాయి.. మోయక తప్పదంటూ’ ప్రేమభారాన్ని మోస్తూ ‘తొలిప్రేమ’ ట్రైలర్తో వచ్చేశాడు మెగా హీరో వరుణ్ తేజ్. తన ‘తొలిప్రేమ’ ఎలా మొదలైందో వివరిస్తూ లవర్ బోయ్గా డిఫరెంట్ లుక్లో దర్శనం ఇచ్చాడు. వరుణ్ తేజ్, రాశీఖన్నా హీరో హీరోయిన్లుగా వెంకీ అట్లూరి దర్శకత్వంలో తెరకెక్కుతున్న ‘తొలిప్రేమ’ చిత్ర ట్రైలర్ను శుక్రవారం ఉదయం ట్విట్టర్ ద్వారా విడుదల చేశారు వరుణ్ తేజ్. తాజా ట్రైలర్లో చాలా కొత్తగా ఫ్రెష్ ఫీల్ను కలిగిస్తోంది. 'ఏ జర్నీ ఆఫ్ లవ్' అంటూ ట్యాగ్ లైన్తో క్లాసీ లుక్తో వరుణ్ తేజ్ ఆకట్టుకుంటున్నాడు.
తాజా ట్రైలర్లో వరుణ్ తేజ్ ఆదిత్యగా నటిస్తుండగా.. అందాల రాశీఖన్నా వర్ష పాత్రలో మెరిసింది. ట్రైన్లో రాశీఖన్నాను చూసిన వరుణ్తేజ్.. వెంటనే రైలెక్కి ఆమెను వాటేసుకోవడం.. ‘ఇంత అందంగా ఉన్నావేంటి’ అని అడగ్గానే అవాక్కైన రాశీఖన్నా వరుణ్ చెంప ఛెళ్లుమనిపించడం కొత్త ఫీల్ కలిగిస్తోంది. ‘కలగా నా జీవితంలోకి వచ్చావ్. కలగంటున్నప్పుడు వెళ్లిపోయావ్.. మళ్లీ ఇలా మెరిశావ్. కలో నిజమో అర్థం కావడంలేదు’ అంటూ తన ప్రేమభావాల్ని ప్రేక్షకులతో పంచుకున్నాడు.
|
|