అతడిని చూస్తే ఎఫ్పుడూ ఉత్సాహం ఉరకలేస్తుంది
cinema | Suryaa Desk | Published : Wed, Feb 07, 2018, 01:08 PM
కాలం అందరికీ మొదటిసారే కలిసిరాదు. ఒకోసారి సెకండ్ ఛాన్ష్ ఇస్తుంది. ముఖ్యంగా యాక్టింగ్ లో అలా రెండోసారి బంపర్ ఆఫర్ దక్కడం కాస్తంత అరుదు.. అదృష్టమనే చెప్పాలి. అలాంటి అదృష్టం హీరోయిన్ రుక్సార్ మిర్ కు దక్కింది. టాలీవుడ్ లో ఆకతాయి సినిమాతో అడుగుపెట్టింది. ఆ సినిమా బాక్సాఫీస్ ను ఏ మాత్రమూ ఆకట్టుకోలేదు. అనుకోని అదృష్టంలా నాచురల్ స్టార్ నాని హీరోగా నటిస్తున్న కృష్టార్జున యుద్ధం మూవీలోని ఇద్దరు హీరోయిన్లలో ఒకరిగా ఎంపికైంది.
కృష్టార్జున యుద్ధం మూవీలో నాని కెరీర్ లో రెండోసారి డ్యూయల్ రోల్ చేస్తున్నాడు. అతడితో కలిసి పనిచేయడం మరిచిపోలేని అనుభవం అంటోంది రుక్సార్ మిర్. ‘‘బేసిగ్గా నాకు నాచురల్ గా అనిపించేలా నటించడమంటేనే ఇష్టం. నానికున్న బిరుదే నాచురల్ స్టార్. అతడిని చూస్తే ఎఫ్పుడూ ఉత్సాహం ఉరకలేస్తుంది. షూటింగ్ లో నా పాత్రలో ఎప్పుడైనా కాస్త అతిగా నటించినట్టు అనిపిస్తే వెంటనే నన్ను అలెర్ట్ చేసేవాడు. సీన్ లో మనం అందంగా కనిపించాలంటే ఏం చేయాలి... అందుకు మన ప్రిపరేషన్ ఎలా ఉండాలనే దానిపై అతడు చెప్పిన మంచి మాటలు నాకు ఎంతో ఉపయోగపడ్డాయి’’ అని నాని గురించి నాలుగు మంచి మాటలు చెప్పుకొచ్చింది రుక్సార్.
కృష్టార్జున యుద్ధం సినిమాలో మరో హీరోయిన్ గా ప్రేమమ్ బ్యూటీ అనుపమ పరమేశ్వరన్ నటిస్తోంది. నటిగా రుక్సార్ కెరీర్ కు ఈ సినిమా చాలా ఇంపార్టెంట్. ఏమాత్రం ప్రేక్షకులను మెప్పించినా కెరీర్ లో కోరుకున్న బ్రేక్ దక్కినట్టే. అందుకే ఈ సినిమా ఎప్పుడు ప్రేక్షకుల ముందుకొస్తుందా అని ఎక్సైంటింగ్ గా ఎదురుచూస్తున్నానంటోంది రుక్సార్.
|
|