ట్రెండింగ్
పవన్ కోసం కథ రెడీ చేసిన మంజుల
cinema | Suryaa Desk | Published : Sat, Feb 10, 2018, 01:18 PM
టాలీవుడ్ యాక్టర్ పవన్కల్యాణ్తో ఒక సినిమా చేయాలని ఉందని సూపర్ స్టార్ కృష్ణ కుమార్తె మంజుల తన మనసులోని మాటను వెల్లడించింది.. ఆమె దర్శకత్వం వహించిన తొలి మూవీ మనసుకు నచ్చింది ఆడియో రిలీజ్ వేడుకలో ఆమె మీడియాతో మాట్లాడుతూ, పవన్ కోసం ఒక కథ రాశానని, దానికి పవన్ అనే టైటిల్ కూడా ఖరారు చేశానని తెలిపింది.. . నిజంగా చెబుతున్నా. మా నాన్న. బ్రదర్ తర్వాత నేను ఎంతో అభిమానించే వ్యక్తి పవన్కల్యాణ్. ఆయన నిజాయితీ గల వ్యక్తి. మనసు ఏది చెబుతుందో అదే చేస్తారు. ఆయన కోసం ఓ కథ ఉంది. ఇక పవన్ ఏ సినిమాలు చేయరని నాకు తెలుసు. కానీ నేను రాసుకున్న కథ విన్నారంటే పవన్ కచ్చితంగా చేస్తారు. ఈ కథ ఆయనకు ఖచ్చితంగా నచ్చుతుంది. ఈ ఒక్క సినిమా చేసి పవన్ రాజకీయాల్లోకి వెళ్లొచ్చు. ఓ సారి కథ వినమని ఆయనకు చెప్పండని మీడియాను ఈ సందర్భంగా అభ్యర్ధించింది మంజుల.
|
|