కార్తీకదీపం సీరియల్ గురించి ఆసక్తికర విషయాలు...

తెలుగు సీరియల్స్‌లో ప్రస్తుతం కార్తీక దీపం ట్రెండ్ సెట్టర్‌గా నిలిచింది. మా టీవీలో తిరుగు లేని రేటింగ్‌‌తో ముందుకు సాగుతుంది. అలాంటి ఈ సీరియల్ గురించి మనకు తెలియని ఆసక్తికరమైన విషయాలు ఎన్నో ఉన్నాయి. కార్తీక దీపం సీరియల్‌ ను మలయాళంలోని కరుతమూతు అనే సీరియల్ ఆధారంగా తీసుకుని తీశారు. అందులోనూ దీప క్యారెక్టర్‌ను ప్రేమి విశ్వనాథే పోషించింది. కార్తీక దీపం సీరియల్‌ అంతగా పాపులర్ అవడానికి కారణం ప్రేమి విశ్వనాథే అనే చెప్పాలి. ఆమె నటనకు మహిళా ప్రేక్షకులు నీరాజనాలు పలుకుతున్నారు.మలయాళంలో ప్రేమి విశ్వనాథ్ ఒక్కో ఎపిసోడ్ కు రూ.15 వేల వరకూ పారితోషికం తీసుకుంటే తెలుగులో దాదాపు పది రెట్లు రెట్టింపు చార్జ్ చేస్తోంది. అంటే రోజుకు లక్ష రూపాయలపైనే ప్రేమి విశ్వనాథ్ వసూలు చేస్తోందట. ఇక హీరో పాత్ర పోషిస్తున్న కార్తీక్ 30 నుంచి 50 వేలు వరకూ, అత్త పాత్ర పోషిస్తున్న అర్చన 12 నుంచి 15 వేలు, మోనిత పాత్ర పోషిస్తున్న శోభ షెట్టి 10 నుంచి 12 వేలు అందుకుంటున్నారట.ఇక తెలుగు సీరియల్లో దీపకు సవతి తల్లి ఉంటుంది ఆమె దీపను నానా బాధలు పెడుతుంది. కానీ మలయాళంలో మాత్రం దీపకు సవతి తండ్రి ఉంటాడు. తెలుగులో లాగానే మలయాళంలో కూడా ఇద్దరు అన్నదమ్ములు అక్కచెల్లెలను పెళ్లి చేసుకుంటారు. ఇక కార్తీక దీపం సీరియల్‌ను తెలుగులోనే కాదు.. కన్నడం, తమిళంలోనూ కూడా ప్రసారం అవుతుంది. తెలుగులో అత్త సౌందర్య పాత్రను పోషించిన అర్చననే కన్నడం, తమిళంలోనూ అత్తగా నటిస్తున్నారు

కార్తీక దీపం సీరియళ్లలో దీప కార్యక్టర్ నల్లగా ఉంటుంది. నిజానికి బయటకు ప్రేమి విశ్వనాథ్ నల్లగా ఉండదు. ప్రేమి విశ్వనాథ్ తెలుగు అమ్మాయి కాదు. కేరళలోని కొచ్చిలో పుట్టారు. దీప అన్నయ్య ఫేమస్ ఫోటోగ్రఫర్. ప్రేమి విశ్వనాథ్ భర్త పేరు టీఎస్ వినీత్ భట్. ఈయన కేరళలో ఫేమస్ ఆస్ట్రాలజర్. ఎంతో మంది సెలబ్రిటీలకు ఆయన ఆస్ట్రాలజర్‌గా వ్యవహిరిస్తున్నారు.