చరణ్ కి ఆ నిర్మాత మంచి మిత్రుడు..ఎవరో తెలుసా?

తండ్రి చరిష్మాతో ఇండస్ట్రీలోకి అడుగుపెట్టి మొదటి సినిమాతోనే హిట్ కొట్టాడు రామ్ చరణ్. అయితే మొదటి సినిమా హిట్ కొట్టినా అయన మీద చాలా నెగటివ్ కామెంట్స్, ట్రోల్స్ వచ్చేవి. చిరంజీవి కొడుకు కాబట్టే హిట్ ఒచ్చిందని, అతనికి అసలు టాలెంట్ లేదని అంటూ బాగా ట్రోల్ చేశారు జనం. అయితే వారందరి నోళ్ళూ మగధీర సినిమాలోని తన నటనతో మూయించాడు చరణ్. అలా ఒక్కో సినిమాతో తనను తాను ప్రూవ్ చేసుకుంటూ చిరంజీవి కొడుకు అనే పేరుతో కాక రామ్ చరణ్ గా నిలబడ్డాడు. అయితే ఇండస్ట్రీలో ఆయన ఫ్రెండ్ సర్కిల్ ఎవరో అందరికీ తెలిసినా ఒక్కరి గురించి మాత్రం పెద్దగా తెలీదు.

రామ్ చరణ్ కి ఇండస్ట్రీ లో బెస్ట్ ఫ్రెండ్స్ ఎవరు అంటే శర్వానంద్ , రానా , ఎన్టీఆర్ అని తడుముకోకుండా చెప్తారు దాదాపుగా అందరూ. కానీ వీళ్ళకంటే కూడా బెస్ట్ ఫ్రెండ్ ఇంకొకతను ఉన్నాడు. ఆయన తెలుగు ఇండస్ట్రీకి చెందిన వ్యక్తే కానీ అతను మరో హీరోకు ఫ్రెండ్ గా జనానికి సుపరిచితం. ఆయనే విక్రమ్ రెడ్డి. రామ్ చరణ్ కి ఈయన బెస్ట్ ఫ్రెండ్. విక్రమ్ రెడ్డి అంటే ఎవరో అనుకుంటున్నారా మరెవరో కాదు ప్రభాస్ సొంత నిర్మాణ సంస్థ అయిన యువీ క్రియేషన్స్ లో ఈయన ఒక సహ నిర్మాత. ఈ నిర్మాత రామ్ చరణ్ కి చాలా క్లోజ్ అని చాలా కొద్దిమందికే తెలుసు.

ఈ విషయాన్ని ఆ మధ్య చరణ్ బయటపెట్టాడు. ఒక ఇంటర్వ్యూలో తన బెస్ట్ ఫ్రెండ్ గురించి మాట్లాడుతూ తాను ఎప్పుడు ఏ అవసరం వచ్చినా తన బెస్ట్ ఫ్రెండ్ అయిన విక్రమ్ రెడ్డి కి కాల్ చేస్తాన, తన స్పీడ్ డయల్ లో ఎప్పుడూ విక్రమ్ రెడ్డి నెంబర్ సేవ్ చేసి ఉంటుందని పేర్కొన్నాడు. అవసరం అనే కాదని, బాధలో ఉన్నా కూడా విక్రమ్ కే కాల్ చేస్తానని ఆయన అప్పట్లో చెప్పుకొచ్చాడు. అంతే కాదు గోపీ చంద్ భార్య రేష్మ కూడా రామ్ చరణ్ కి క్లాస్ మేట్. చరణ్, రానా, రేష్మ, శర్వానంద్, విక్రమ్ లు కలిసి చదువుకున్నారు. అయితే వీరి గురించి దాదాపుగా అందరికీ తెలిసినా విక్రమ్ గురించి పెద్దగా బయటకు తెలీదు, ఆయన ప్రభాస్ కు మాత్రమే ఫ్రెండ్ అనుకుంటారు అందరూ. కానీ ప్రభాస్ కంటే చరణ్ కి ఇంకా క్లోజ్ ఫ్రెండ్.