ట్రెండింగ్
కాజల్ బ్యాచిలరేట్ పార్టీ ఫొటోస్...
cinema | Suryaa Desk | Published : Wed, Oct 07, 2020, 01:22 PM
ప్రముఖ కథానాయిక కాజల్ అగర్వాల్ త్వరలో పెళ్లి పీటలు ఎక్కబోతోంది. ముంబైకి చెందిన వ్యాపారవేత్త గౌతమ్ కిచ్లును ఈ నెల 30న వివాహం చేసుకోబోతోంది. ఈ విషయాన్ని కాజల్ తాజాగా సోషల్ మీడియా ద్వారా వెల్లడించింది. త్వరలో గృహిణిగా మారుతున్న నేపథ్యంలో గత నెల చివర్లో కాజల్ ఇంట్లో బ్యాచిలరేట్ పార్టీ జరిగింది. ఈ ఫొటోలను కాజల్ గత నెల 28నే తన ఇన్స్టాగ్రామ్ ఖాతాలో అప్లోడ్ చేసింది. అయితే అవి బ్యాచిలరేట్ పార్టీకి సంబంధించిన ఫొటోలని అప్పుడు ఎవరూ అనుకోలేదు.
తాజాగా కాజల్ తన పెళ్లి గురించి ప్రకటించడంతో ఈ ఫొటోలు సోషల్ మీడియాలో వైరల్గా మారాయి. బ్లాక్ కలర్ డ్రెస్ ధరించి `బ్రైడ్ టు బి` క్యాప్షన్తో కాజల్ ఫొటోలకు ఫోజులిచ్చింది. ఈ కార్యక్రమంలో కాజల్ చెల్లెలు నిషా కూడా పాల్గొంది. వివాహం తర్వాత కూడా నటన కొనసాగిస్తానని కాజల్ ప్రకటించిన సంగతి తెలిసిందే.
|
|