చిరంజీవి తర్వాత ఎన్టీఆర్లోనే ఆ లక్షణాలు
cinema | Suryaa Desk | Published : Wed, Aug 02, 2017, 02:17 PM
చిరంజీవి మెగాస్టార్ అయ్యారంటే అందుకు తెరపై ఆయన మెస్మరైజ్ చేసిన విధానమే కాకుండా తెర వెనుక ఆయన ప్రవర్తన, ఫాన్స్తో ఇంటరాక్షన్ కూడా కారణాలే. పవన్కళ్యాణ్, మహేష్బాబు ఇద్దరూ తెరపై ఎంత సందడి చేసినా కానీ తెర వెనుకకి వచ్చే సరికి చాలా బిడియంగా వ్యవహరిస్తుంటారు. చిరంజీవి మాదిరిగా కలుపుగోలుతనం, అందరినీ తమ వాళ్లుగా కలుపుకుపోయే గుణం వీరిలో లేవు. మీడియా ఇంటరాక్షన్స్లో కూడా చాలా ముక్తసరిగా పాయింట్ టు పాయింట్ మాట్లాడతారే తప్ప గ్యాలరీస్కి ప్లే చేయరు. ఈ లక్షణాలన్నీ చిరంజీవి తర్వాత జూనియర్ ఎన్టీఆర్లోనే కనిపిస్తున్నాయని
అతడిని నంబర్వన్ చేయడానికి ఇవి దోహదం చేస్తాయని అంటున్నారు విశ్లేషకులు. బిగ్బాస్ షోని ఎన్టీఆర్ నడుపుతోన్న తీరు, పోటీదారులతో అతను ఇంటరాక్ట్ అవుతోన్న విధానం, చికెన్ తినడం కోసం స్టేజీపై కూర్చుండిపోయి గ్యాలరీస్కి ప్లే చేసిన పద్ధతి చూస్తే ఇలాంటివి పవన్, మహేష్ ఎప్పటికీ చేయలేరని వారి అభిమానులే అంగీకరిస్తున్నారు. కేవలం తన చలాకీతనంతో, స్పాంటేనిటీతో ఈ షోని పెద్ద హిట్ చేసిన ఎన్టీఆర్ అటు ఫాన్స్తో ఇంటరాక్షన్స్లోను చిరంజీవిని ఫాలో అవుతున్నాడు.
చిన్న, పెద్ద తారలతో కలిసిపోయి, వారికి 'ఇతను మన బాస్' అనిపించే రీతిన ఎన్టీఆర్ నడుచుకుంటున్నాడు. పబ్లిక్ ఇమేజ్ పరంగా ఎంతో మైలేజ్ తెస్తోన్న ఈ ప్రవర్తనకి తోడు ఎన్టీఆర్కి రెండు భారీ బ్లాక్బస్టర్లు కూడా పడ్డట్టయితే ఇక చిరంజీవి తర్వాత నంబర్వన్ స్థానాన్ని అందుకోవడానికి మేజర్ కంటెండర్ అయిపోవడమే కాకుండా, మిగతా వారికి అందనంత ఎత్తుకి కూడా వెళ్లిపోతాడు.
|
|