కీర్తి పాండియన్ అందాల జాతర.. హీట్ పుట్టిస్తున్నా ఫోటో షూట్!

సోషల్ మీడియాకి ప్రత్యేకంగా చలి మంట అక్కర్లేదు. ఇలాంటి సుందరాంగులే... హీట్ పుట్టిస్తున్నారు. అందాలు ఆరబోసి... చలికాసుకో అంటున్నారు. ఆ లిస్టులో కీర్తి పాండియన్ చేరింది. 29 ఏళ్ల కీర్తి పాండియన్ సోషల్ మీడియాను ఒక్కసారిగా వేడెక్కించింది. ఆ వేడి ఇప్పట్లో చల్లారేలా లేదు. కీర్తి పాండియన్ ఎవరో కాదు... 80లో తమిళ సినిమాను ఓ ఊపు ఊపిన ప్రముఖ నటుడు అరుణ్ పాండియన్ కూతురే. తుంబా సినిమాతో... ఇండస్ట్రీలో ఎంట్రీ ఇచ్చింది ఈ బ్యూటీ. ఆ తర్వాత అంబిర్కినియల్ సినిమాలో... తన తండ్రితో కలిసి నటించింది. ప్రస్తుతం ఈ అమ్మడు కన్నాకి సినిమాలో చేస్తోంది. అందులో ఈ బ్యూటీ పాత్ర ఓ రేంజ్‌లో ఉంటుందట. 

అప్పుడప్పుడూ స్కిన్ షో చేసే కీర్తీ... తాజాగా బికినీలో కనిపించి కుర్రకారుకు కైపెక్కిస్తోంది. ఈ ఫొటోలు చూసి... కీర్తిలో ఇంత ఫైర్ ఉందా అని ఆశ్చర్యపోతున్నారు ఫ్యాన్స్. ఈ సందర్భంగా... ఈ బ్యూటీ ఓ విషయం బయటపెట్టింది. చిన్నప్పుడు తనను అందరూ నల్లగా ఉన్నావని దూరం పెట్టేవాళ్లట. దాంతో ఎన్నో రాత్రిళ్లు ఏడుస్తూ నిద్రలోకి జారుకునేదాన్ని అని చెప్పింది. అప్పట్లో చాలా లావుగా కూడా ఉండేదట. కష్టపడి సన్నబడింది. ఇప్పుడు అదిరే కర్వ్ లతో అంజంతా శిల్పంలా ఉందని ఫ్యాన్స్ మెచ్చుకుంటున్నారు. చిన్నప్పటి నుంచే ఎన్నో నెగెటివ్ కామెంట్స్ చూసిన కీర్తీ... ఇప్పుడు లవ్ ఇమోజీ, ఫైర్ కామెంట్స్ చూస్తోంది. అవి ఆమెలో ఉత్సాహాన్ని పెంచుతున్నాయట. ఇతరులు కలిగించే ఇన్‌సెక్యూరిటీకి తలవంచకూడదనే పట్టుదలే తనను ఈ స్థాయికి చేర్చిందని చెబుతోంది. "చిన్నప్పుడు నేనంటే నాకు ఎంతో ఇష్టం. ఇప్పుడు కూడా నేనంటే నాకు అంతే ఇష్టం. నన్ను నేను ఇష్టపడతాను. నా కలర్, షేప్, సైజ్ అన్నీ నాకు ఇష్టమే" అని చెప్పిందీ బ్యూటీ.