డ్రగ్స్ కేసు.. బాత్రూంలో దాక్కున్న నటి
cinema | Suryaa Desk | Published : Wed, Sep 01, 2021, 04:06 PM
కర్ణాటక చిత్ర పరిశ్రమలో ఇద్దరు హీరోయిన్లు డ్రగ్స్ కేసులో దోషులుగా తేలారు. దీంతో విచారణ వేగవంతం చేసిన అధికారులు మరికొందరిని అదుపులోకి తీసుకున్నారు. బెంగళూరులోని వేరువేరు ప్రాంతాల్లో పోలీసులు తనిఖీలు చేశారు. ఈ తనిఖీల్లో నటి, మోడల్, కాస్మొటిక్స్ వ్యాపారం నిర్వహించే సోనియా అగర్వాల్, మరో వ్యాపారవేత్త భరత్, డీజే వచన్ చిన్నప్ప ప్లాట్లలో డ్రగ్స్ బయటపడ్డాయి. ఈ సోదాల్లో నటి సోనియా ఇంట్లో 40 గ్రాముల గంజాయిని పోలీసులు గుర్తించారు. ఆ సమయంలో సోనియా ఇంట్లో లేకపోవడంతో ఆమె ఉన్న హోటల్ కి వెళ్లారు.
హోటల్ కి పోలీసులు రావడంతో నటి సోనియా తప్పించుకునే ప్రయత్నం చేసింది. ఆ సమయంలోనే బాత్ రూంలో దాక్కుంది. ఆమెను బయటకు తీసుకొచ్చిన పోలీసులు.. అదుపులోకి తీసుకోని విచారణ చేపట్టారు. విచారణలో డ్రగ్స్ వ్యాపారులతో తనకు సంబంధం ఉన్నట్లు సోనియా చెప్పారని పోలీసులు తెలిపారు.
నైజీరియాకు చెందిన డ్రగ్స్ వ్యాపారి థామస్ తో తాను కాంటాక్ట్ లో ఉన్నామని చెప్పారని, పార్టీలకు అతడు డ్రగ్స్ సరఫరా చేసేవాడని విచారణలో సోనియా చెప్పినట్లు పోలీసులు వెల్లడించారు. పలువురు రాజకీయ నాయకులు, వారి కుమారులు, శాండిల్ వుడ్ కి చెందిన పలువురు నటీనటులతో సోనియాకు మంచి సంబంధాలు ఉన్నట్లుగా పోలీసులు గుర్తించారు.
|
|