`భవదీయుడు భగత్ సింగ్` గా పవన్ తో హరీష్ కన్ ఫార్మ్ అయ్యేనా?

పవర్ స్టార్ పవన్ కళ్యాణ్ కథానాయకుడిగా హరీష్ శంకర్ దర్శకత్వంలో పీఎస్ పీకే 29 తెరకెక్కనున్న సంగతి తెలిసిందే. ఇటీవలే పవన్ పుట్టినరోజు సందర్భంగా ఫస్ట్ లుక్ పోస్టర్ ని కూడా రిలీజ్ చేసారు. పోస్టర్ తోనే పవన్ అభిమానుల్లో వేడి పెంచాడు. ఈ కాంబో సినిమాపై అంచనాలు అంతకంతకు పెరుగుతున్నాయి. గబ్బర్ సింగ్ తర్వాత మరోసారి కలిసి వస్తున్నారు కాబట్టి రెట్టింపు అంచనాలేర్పడ్డాయి. ఇప్పటికే గబ్బర్ సింగ్ ని మించి ఉంటుందని హరీష్ సంకేతాలు అందించారు. ఇంతలోనే మరో ఇంట్రెస్టింగ్ అప్టేడ్ అంతర్జాలంలో వైరల్ అవుతోంది. ఈ చిత్రానికి `భవదీయుడు భగత్ సింగ్` అనే టైటిల్ ని పరిశీలిస్తున్నట్లు ప్రచారంలోకి వచ్చింది.

`భవదీయుడు`తో టైటిల్ క్లోజ్ చేయాలా?  లేక కొనసాగింపు గా భగత్ సింగ్ ని తగిలించాలా? అన్న దానిపైనా సీరియస్ గా పరిశీలిస్తున్నట్లు టాక్ వినిపిస్తోంది. మరి కొంత మంది ఇది కేవలం వర్కింగ్ టైటిల్ మాత్రమేనని.. మరో కొత్త టైటిల్ తో పవన్ బరిలోకి రానున్నారన్న గుసగుసలు లేకపోలేదు. మరి ఇందులో వాస్తవాలు తేలితే తప్ప! టైటిల్ పై  క్లారిటీ రాదు. ఇదంతా పక్కనబెడితే భగత్ సింగ్ ని టైటిల్ లో జోడించడం అన్నది పెద్ద సాహసమనే చెప్పాలి. మనోభావాలు దెబ్బ తింటున్న ఈ సీజన్ లో ఇలాంటి టైటిల్ దేశ వ్యాప్తంగా వివాదాస్పదంగాను మారే అవకాశం  లేకపోలేదు.

తెలుగు రాష్ట్రాల్లో భగత్ సింగ్ వేడుకల్ని వారసులు ఎంతో ఘనంగా  నిర్వహిస్తారు. ఆ రోజున రాజధాని నగరాల్లో సందడి నెలకొంటుంది. ప్రతిచోటా తల్వార్ మయమై కనిపిస్తుంది. రాజధాని పొడవునా భారీ ఎత్తున  బైక్ లు.. కార్ల ర్యాలీలు నిర్వహిస్తారు. ఇలాంటి టైటిల్స్ పెట్టడానికి పవన్ కూడా  ఎంతమాత్రం ఆసక్తి చూపించరని వినిపిస్తోంది. ప్రస్తుతం పవన్  భీమ్లా నాయక్ లో నటిస్తున్నారు. దీనికి  `అప్పట్లో ఒకడుండేవాడు` ఫేం  సాగర్ చంద్ర దర్శకత్వం వహిస్తున్నారు. అలాగే క్రిష్ దర్శకత్వంలో `హరి హర వీరమల్లు` చిత్రంలోనూ నటిస్తూ బిజీగా ఉన్నారు. హరిహర వీరమల్లు 2022 సంక్రాంతికి విడుదలవుతుంది. ఈలోగానే భీమ్లానాయక్ చిత్రీకరణ శరవేగంగా పూర్తయిపోతోంది. ఇది వచ్చే సమ్మర్ కి వచ్చే వీలుందని అంచనా. హరీష్ తో సినిమాని ప్రారంభించి అటుపై సురేందర్ రెడ్డితోనూ పని చేసేందుకు పవన్ సన్నాహకాల్లో ఉన్నారు.