అలీతో మోహన్ బాబు : నీకు పొగరు ఎక్కువ అందుకే నిన్ను కట్ చేశా!

అలీ హీరోగా.. కమెడియన్ గా సుదీర్ఘ కాలంగా ఇండస్ట్రీలో కొనసాగుతున్నాడు. చిన్నప్పటి నుండి సినిమా ఇండస్ట్రీలో కొనసాగుతున్న అలీ చాలా ఆప్యాయంగా మోహన్ బాబు ను అన్న అని పిలుస్తూ ఉంటాడు. అందుకే అలీ తన టాక్ షో అలీతో సరదాగా ప్రత్యేక ఎపిసోడ్ కు గాను మోహన్ బాబును పిలిచాడు. టాక్ షో ల్లో ఎక్కువగా కనిపించని మోహన్ బాబు పిలిచాడు కదా అని అలీ పై అభిమానంతో హాజరు అయ్యాడు. 

మోహన్ బాబు కెరీర్ ఆరంభంలో హీరోగా విలన్ గా చేసిన సమయంలో.. తాను సినిమాలు నిర్మించిన సమయంలో ఖచ్చితంగా ఆలీకి పాత్ర ఇచ్చేవాడు. కాని కొంత కాలం తర్వాత అలీకి తన సినిమాల్లో పూర్తిగా కట్ చేశాడు. మోహన్ బాబు ఎందుకు అలా చేస్తున్నాడు అని అప్పట్లో కొందరు అనుకున్నారు కూడా. మోహన్ బాబు సినిమాలో అలీ ఎందుకు ఉండటం లేదు అనే వారికి ఎట్టకేలకు సమాధానం దక్కింది. అలీ వరుసగా మోహన్ బాబు సినిమాల్లో.. ఆయన నిర్మిస్తున్న సినిమాల్లో నటిస్తూ వచ్చాడు. ఒక సినిమా సమయంలో లక్ష రెండు లక్షల పారితోషికం వద్ద తేడా వచ్చి నటించేందుకు నో చెప్పాడా లేదా మరేంటో జరిగిందట. దాంతో మోహన్ బాబుకు కోపం వచ్చి అప్పటి నుండి అలీని పక్కకు పెట్టేశాడట. ఆ విషయాన్ని స్వయంగా అలీతో మోహన్ బాబు చెప్పుకొచ్చాడు. నీకు పొగరు ఎక్కువ ఉండటం వల్ల మద్యలో కొన్నాళ్లు నిన్ను కట్ చేశాను అన్నాడు.

సినిమా అన్నప్పుడు విలన్ మరియు కమెడియన్ లు కూడా ఖచ్చితంగా అవసరం. నా సినిమాల్లో అందుకే నీకు ఎక్కువగా అవకాశాలు ఇచ్చాను. చాలా మంది కమెడియన్స్ ను నేను ప్రోత్సహించాను. నీవు కూడా నా చాలా సినిమాల్లో నటించావు. ఒక బ్యానర్ లో వరుసగా సినిమాలు చేస్తున్నాము అంటే లక్ష రెండు లక్షల వద్ద బేరాలు ఆడవద్దు. నీకు పొగరు ఎక్కువ అయ్యి ఆ పని చేశావు. అందుకే నేను వదిలేయాల్సి వచ్చిందని అన్నాడు. ఒక సినిమా సమయంలో అలా బేరాలు ఆడటం వల్లే అలీని నేను కట్ చేయాల్సి వచ్చిందని మోహన్ బాబు చెప్పుకొచ్చాడు.

మోహన్ బాబు మరియు అలీల మద్య పలు విషయాల గురించి చర్చ జరిగింది. అలీ మరియు మోహన్ బాబుల మద్య చాలా మంచి సన్నిహిత్యం ఉందని ఆ టాక్ షో ద్వారా క్లారిటీ వచ్చింది. మోహన్ బాబు మళ్లీ వరుసగా సినిమాలు చేసేందుకు సిద్దం అవుతున్నాడు. కనుక ఆయన ప్రతి సినిమాలో కూడా ఇకపై అలీ ఉంటాడేమో చూడాలి. అలీ ఈమద్య కాలంలో కమెడియన్ గా సినిమాలు కాస్త తగ్గించాడు. ఆఫర్లు కూడా గతంలో మాదిరిగా వస్తున్నట్లుగా లేవు అంటూ విశ్లేషకులు చెబుతున్నారు. చేసిన కొన్ని సినిమాలు అయినా మంచి పాత్రలు చేయాలనే ఉద్దేశ్యంతో చిన్న సినిమాలను అలీ కాదంటున్నట్లుగా తెలుస్తోంది.