'ఆర్ఆర్ఆర్' ట్రైలర్ విడుదల వాయిదా
cinema | Suryaa Desk | Published : Wed, Dec 01, 2021, 11:46 AM
రాజమౌళి దర్శకత్వంలో రామ్ చరణ్ మరియు ఎన్టీఆర్ ల కలయికలో తెరకెక్కుతున్న భారీ సినిమా 'ఆర్ఆర్ఆర్' కోసం అందరికీ తెలిసిందే. ఈ సినిమా వచ్చే ఏడాది గ్రాండ్గా విడుదల కానుంది. చిత్ర యూనిట్ కూడా చిత్రం నుంచి మంచి అప్ డేట్స్ ఇస్తోంది. ఇప్పటికే విడుదలైన పాటలు, టీజర్లు సినిమాపై అంచనాలను పెంచేశాయి. డిసెంబర్ 3న చిత్ర ట్రైలర్ను విడుదల చేయనున్నట్లు ఇటీవల ప్రకటించారు. అయితే సిరివెన్నెల సీతారామశాస్త్రి అకాల మరణంతో పాటు కొన్ని అనుకోని కారణాల వల్ల సినిమా ట్రైలర్ విడుదల వాయిదా పడినట్లు చిత్రబృందం బుధవారం ప్రకటించింది. ట్రైలర్ విడుదల తేదీని త్వరలో ప్రకటిస్తారు. దాదాపు రూ.450 కోట్ల భారీ బడ్జెట్ తో ఈ సినిమా తెరకెక్కుతోంది. రామ్చరణ్ అల్లూరి సీతారామరాజుగా, తారక్ కొమురం భీమ్గా కనిపించనున్నారు. ఈ చిత్రంలో అలియా భట్, హాలీవుడ్ నటి ఒలివియా మోరిస్, అజయ్ దేవగన్ నటిస్తున్నారు. కీరవాణి సంగీతం అందిస్తున్న ఈ సినిమా వచ్చే ఏడాది జనవరి 7న ప్రేక్షకుల ముందుకు రానుంది.
|
|