జనవరి 7న మన ముందుకు రాబోతున్న 'మేజర్' సినిమా మొదటి సింగిల్
cinema | Suryaa Desk | Published : Fri, Jan 07, 2022, 11:22 AM
వైవిధ్యమైన పత్రాలు చేస్తూ, విలక్షణ నటుడుగా 'క్షణం', 'గూడచారి', 'ఎవరు' వంటి విజయవంతమైన చిత్రాలతో తనదైన స్టైల్ ని చూపించినా టాలెంటెడ్ హీరో అడివి శేష్ 'మేజర్'గా రాబోతున్నాడు. 2008లో ముంబైలో జరిగిన '26/11' దాడుల సమయంలో ప్రాణత్యాగం చేసిన సందీప్ ఉన్నికృష్ణన్ జీవితం ఆధారంగా రూపొందించబడింది. విడుదలైన టీజర్కు విశ్వవ్యాప్తంగా సానుకూల స్పందన వచ్చింది. టీజర్ ద్వారా ప్రేక్షకులు థ్రిల్లింగ్ మరియు ఎమోషనల్ రైడ్కు లోనవుతారని మేకర్స్ హామీ ఇచ్చారు. ఇప్పుడు ఈ సినిమా నుంచి ఫస్ట్ సింగిల్ రిలీజ్ చేసేందుకు సన్నాహాలు చేస్తున్నారు. 'హృదయమా' మెలోడీ పాట ని ప్రముఖ గాయకుడు సిద్ శ్రీరామ్ పాడారు. 23 సెకన్ల టీజర్ చాలా ఆకర్షణీయంగా కనిపించింది మరియు ఇది అడివి శేష్ మరియు సాయి మంజ్రేకర్ మధ్య ప్రేమను చూపిస్తుంది. పూర్తి పాట జనవరి 7న ఉదయం 11:07 గంటలకు విడుదల కానుంది. గతంలో శేష్తో 'గూడచారి' చిత్రాన్ని రూపొందించిన శశి కిరణ్ తిక్క 'మేజర్' చిత్రానికి దర్శకత్వం వహిస్తున్నారు. అబ్బూరి రవి డైలాగ్స్ రాయగా, అడివి శేష్ స్వయంగా స్క్రీన్ ప్లే అందించాడు. మరాఠా బ్యూటీ సాయి మంజ్రేకర్ 'మేజర్' చిత్రంతో తెలుగు తెరకు పరిచయం కానుంది. ఈ చిత్రంలో తెలుగు అమ్మాయి సోబిత ధూళిపాళ కీలక పాత్రలో నటిస్తుండగా ఆమె సందీప్కు జోడిగా కనిపించనుంది. ఈ పాన్-ఇండియన్ ప్రాజెక్ట్ను సోనీ పిక్చర్స్ ఇండియా, A+S మూవీస్ మరియు GMB ఎంటర్టైన్మెంట్స్ సంయుక్తంగా నిర్మిస్తున్నాయి. మరి 'మేజర్' ఎలా ఉండబోతుందో చూడాలి.
|
|