'మేజర్' మూవీ నుండి 'వినవే హృదయమా' లిరికల్ సాంగ్ రిలీజ్!
cinema | Suryaa Desk | Published : Fri, Jan 07, 2022, 07:13 PM
అడివి శేష్ హీరోగా శశికిరణ్ తిక్క దర్శకత్వంలో 'మేజర్' సినిమా రూపొందింది.ఈ సినిమాను మహేష్ బాబు నిర్మాతగా నిర్మించారు. అడివి శేష్ జంటగా సాయి మంజ్రేకర్ తెలుగు తెరకు కథానాయికగా పరిచయమవుతున్నారు. కొద్దిసేపటి క్రితం శ్రీచరణ్ పాకాల స్వరపరిచిన ఈ చిత్రంలోని 'హృదయమా' లిరికల్ సాంగ్ ను మహేష్ బాబు విడుదల చేశారు.
"నిన్నే కోరే నే నిన్నే కోరే .. ఆపేదెలా నీ చూపునే, లేనే లేనే నే నువ్వై నేనే .. దారే మారే నీ వైపునే ..' అంటూ మొదలైన ఈ పాట, 'హృదయమా .. వినవే హృదయమా" అంటూ సాగుతోంది. హీరో - హీరోయిన్ మధ్య అనుభవాలు .. అనుభూతులు .. జ్ఞాపకాలకి సంబంధించిన విజువల్స్ పై ఈ సాంగ్ ను కట్ చేశారు.
కృష్ణకాంత్ సాహిత్యం అందించగా, సిద్ శ్రీరామ్ ఆలపించారు. నిర్మానుష్యంగా విడిపోయే నేపథ్యంలో సాగే ఈ పాట యూత్కి బాగా కనెక్ట్ అవుతుంది. ప్రకాష్ రాజ్ .. రేవతి .. మురళీ శర్మ .. శోభిత ధూళిపాళ్లు ముఖ్య పాత్రల్లో కనిపించనున్నారు. త్వరలోనే సినిమా విడుదల కానుంది.
|
|