పునీత్ చివరి సినిమాకి కి అన్న శివరాజ్ డబ్బింగ్
cinema | Suryaa Desk | Published : Sun, Jan 30, 2022, 11:30 PM
కన్నడ పవర్ స్టార్ పునీత్ రాజ్ కుమార్ ఈమధ్యే గుండెపోటుతో మరణించారు. పునీత్ మరణాన్ని ఆయన అభిమానులు ఇంకా జీర్ణించుకోలేకపోతున్నారు.తక్కువ సినిమాలతోనే పవర్ స్టార్ గా పేరు తెచ్చుకున్నాడు పునీత్. పునీత్ మరణానికి ముందు ప్రేక్షకుల ముందుకు వచ్చిన చివరి చిత్రం యువరత్న. పునీత్ మరణించే సమయానికి జేమ్స్ అనే సినిమాలో నటించారు. ఇప్పుడు సినిమా విడుదలకు సిద్ధంగా ఉంది. మార్చి 17న సినిమా విడుదలకు సిద్ధమవుతుండగా.. పునీత్ ఈ చిత్రంలో ఆర్మీ ఆఫీసర్గా కనిపించనున్నాడు. పునీత్ చనిపోయే సమయానికి షూటింగ్ పూర్తయింది కానీ పునీత్ పాత్రకు డబ్బింగ్ పూర్తికాలేదు.గతంలో షూటింగ్ స్పాట్ లో రికార్డ్ చేసిన పునీత్ వాయిస్ ని టెక్నాలజీతో డెవలప్ చేసి రిలీజ్ చేయనున్నారు. కానీ అది సెట్ కాలేదు. డబ్బింగ్ ఆర్టిస్టులతో ప్రయత్నించినా వర్కవుట్ కాలేదు. దీంతో శివరాజ్ కుమార్ తో పునీత్ పాత్రకు డబ్బింగ్ చెప్పించారు. డబ్బింగ్ థియేటర్లో శివరాజ్ కుమార్ ఇలాంటి పరిస్థితి వస్తుందని ఊహించలేదని కన్నీళ్లు పెట్టుకున్నారట.ఈ చిత్రంలో పునీత్ సోదరులు శివరాజ్ కుమార్ మరియు రాఘవేంద్ర రాజ్కుమార్లు కనిపించబోతున్నారు.
|
|