కన్నడ రిలీజ్ లో గందరగోళం !
cinema | Suryaa Desk | Published : Wed, Mar 23, 2022, 12:25 PM
ప్రస్తుతం పాన్ ఇండియా సినిమా దగ్గర భారీ అంచనాలు నెలకొల్పుకొని రిలీజ్ కి సిద్ధం అవుతున్న భారీ సినిమా “రౌద్రం రణం రుధిరం” కోసం అందరికీ తెలిసిందే. మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ లతో దర్శక ధీరుడు రాజమౌళి తెరకెక్కించిన ఈ పీరియాడిక్ డ్రామా జస్ట్ ఇంకొక్క రోజులో విడుదల కాబోతుండగా అన్ని భాషల్లో కూడా ఈ సినిమాకి మంచి బుకింగ్స్ నమోదు అవుతున్నాయి.కానీ అనూహ్యంగా ఈరోజు ఉదయం నుంచి కన్నడకి సంబంధించి ఈ సినిమాపై కాస్త గందరగోళం నెలకొంది. సోషల్ మీడియాలో నెగిటివ్ ట్రెండ్ స్టార్ట్ కాగా దీనికి పలు కారాణాలు తెలుస్తున్నాయి. అక్కడ ఈ సినిమా మేజర్ రిలీజ్ కన్నడ భాషలో లేదని అలాగే దివంగత హీరో పునీత్ రాజ్ కుమార్ నటించిన “జేమ్స్” సినిమాపై RRR రిలీజ్ ప్రభావం కూడా పడిందని అందుకే ఈ భారీ సినిమా రిలీజ్ పట్ల ఇప్పుడు అంతా కాస్త గందరగోళ వాతావరణం నెలకొంది. అయితే దీనిని మేకర్స్ మరియు అక్కడి డిస్ట్రిబ్యూటర్ సాధ్యమైనంత త్వరలో పరిష్కరిస్తున్నారని లేటెస్ట్ టాక్.
|
|