తుప్పుపట్టిన ఇనుప పెట్టెలో షాక్ ఇచ్చిన ఖజానా.. 30 కిలోల బంగారం వెలుగులోకి!

Viennaలోని పెంజింగ్ ప్రాంతంలో ఓ సాధారణ ప్లంబర్ జీవితం ఒక్కసారిగా మారిపోయిన ఘటన సోషల్ మీడియాలో వైరల్‌గా మారింది. ఇంటి మరమ్మత్తుల పనిలో భాగంగా పాత భవనంలో పని చేస్తున్న అతను కొన్ని గంటల్లోనే కోటీశ్వరుడిగా మారినట్లు వార్తలు వెలువడ్డాయి.ప్రతిరోజులాగే తన పనిలో భాగంగా ఓ పాత విల్లాలో పైప్‌లైన్ రిపేర్ చేస్తుండగా, బేస్‌మెంట్‌లో కాంక్రీట్ నేల నుంచి బయటకు కనిపిస్తున్న పాత తాడు అతని దృష్టిని ఆకర్షించింది. సాధారణంగా ఇలాంటి వస్తువులను పట్టించుకోకుండా వదిలేస్తారు, కానీ అతనికి ఆసక్తి కలగడంతో ఆ తాడును లాగి చూడాలని నిర్ణయించుకున్నాడు.తాడు లాగిన వెంటనే నేల కింద భారీ వస్తువు ఉన్నట్లు అనిపించింది. కొద్దిగా తవ్వకాలు చేయగా, పాత తుప్పుపట్టిన ఇనుప పెట్టె బయటపడింది. దాన్ని తెరిచిన వెంటనే అక్కడ ఉన్నవారంతా ఆశ్చర్యానికి గురయ్యారు.ఆ పెట్టెలో సుమారు 30 కిలోల బంగారు నాణేలు ఉన్నట్లు గుర్తించారు. అంతర్జాతీయ మార్కెట్ ప్రకారం వాటి విలువ దాదాపు 24 లక్షల డాలర్ల వరకు ఉంటుందని అంచనా. భారత కరెన్సీలో ఇది సుమారు ₹22 కోట్లకు పైగా విలువైన సంపదగా చెబుతున్నారు.ఈ ఘటనలో మరో ఆసక్తికర విషయం కూడా బయటకు వచ్చింది. అదే ప్రదేశంలో ఒక రోజు ముందే మరో కార్మికుడు పని చేసినప్పటికీ, అతనికి కూడా అదే తాడు కనిపించినా దాన్ని వ్యర్థంగా భావించి వదిలేశాడు. చిన్న ఆసక్తి చూపి ఉంటే అతని జీవితమూ మారిపోయేదని స్థానికులు చర్చించుకుంటున్నారు.చరిత్రకారుల అభిప్రాయం ప్రకారం, ఈ బంగారు నాణేలను 1930 లేదా 1940 దశకాల్లో దాచివుంచినట్లు భావిస్తున్నారు. అప్పటి యుద్ధ పరిస్థితులు, ఆర్థిక సంక్షోభం కారణంగా ప్రజలు తమ సంపదను భద్రపరచడానికి నేలలో దాచేవారని చెబుతున్నారు.కొన్ని నాణేలపై ప్రముఖ సంగీత విద్వాంసుడు Wolfgang Amadeus Mozart చిత్రాలు ఉండటం కూడా ఈ ఖజానా చారిత్రక విలువను పెంచుతోంది. ప్రస్తుతం ఈ ఘటన నెట్‌లో వైరల్‌గా మారి, ఒక చిన్న అవకాశం కూడా జీవితాన్ని ఎలా మార్చగలదో మరోసారి చాటిచెబుతోంది.