Oppo Find X9 Ultra : 8K వీడియో రికార్డింగ్ సపోర్ట్ కలిగిన 200MP కెమెరాతో వస్తోంది.!

Oppo తమ కొత్త హైఎండ్ స్మార్ట్‌ఫోన్ సిరీస్ అయిన Find X9 Ultra మరియు X9s ఇండియా లాంచ్‌పై అధికారిక ప్రకటన చేసింది. 2025లో బెస్ట్ కెమెరా ఫోన్‌గా పలువురు టెక్ రివ్యూవర్స్ ప్రశంసించిన Find X9 Pro తర్వాత, ఇప్పుడు ఈ సిరీస్‌లో మరింత శక్తివంతమైన మోడల్స్‌ను విడుదల చేయడానికి కంపెనీ సిద్ధమవుతోంది. ఈ కొత్త డివైజ్‌లు 8K వీడియో రికార్డింగ్ సపోర్ట్‌తో పాటు 200MP అధునాతన కెమెరా సిస్టమ్‌తో రానున్నాయి. కెమెరా పనితీరును ప్రధాన హైలైట్‌గా ఉంచుతూ Oppo వీటిని టీజింగ్ చేస్తోంది.Find X9 Ultra మరియు X9s స్మార్ట్‌ఫోన్ల ఇండియా లాంచ్‌ను Oppo అధికారికంగా ధృవీకరించినప్పటికీ, ఖచ్చితమైన విడుదల తేదీని ఇంకా వెల్లడించలేదు. “Coming Soon” ట్యాగ్‌తో టీజర్లు విడుదల చేస్తూ వినియోగదారుల్లో ఆసక్తిని పెంచుతోంది. ఈ ఫోన్లకు సంబంధించిన మరిన్ని వివరాలు Amazon India మరియు Oppo అధికారిక X ఖాతా ద్వారా వెల్లడించినట్లు సమాచారం.Find X9 Ultra డిజైన్ విషయానికి వస్తే, ఇది DSLR కెమెరాను తలపించేలా ప్రీమియం లుక్‌తో రానుందని చెబుతున్నారు. కెమెరా విభాగంపై Oppo ప్రత్యేక దృష్టి పెట్టినట్లు విడుదలైన టీజర్లు స్పష్టంగా చూపిస్తున్నాయి. ఈ ఫోన్‌లో క్వాడ్ రియర్ కెమెరా సెటప్ ఉండే అవకాశం ఉంది. ఇందులో డ్యూయల్ 200MP Hasselblad సెన్సార్లు, అలాగే 10x ఆప్టికల్ జూమ్ సపోర్ట్‌తో 50MP టెలిఫోటో లెన్స్ ఉండనున్నట్లు సమాచారం. అదనంగా మెరుగైన జూమ్ పనితీరు కోసం బిల్ట్-ఇన్ టెలీ కన్వర్టర్‌ను కూడా అందించవచ్చని తెలుస్తోంది.కెమెరా సామర్థ్యాన్ని చూపించడానికి Oppo షేర్ చేసిన శాంపిల్ ఫోటోలు ఇప్పటికే సోషల్ మీడియాలో వైరల్‌గా మారాయి. వాటిలో స్పేస్ నుంచి తీసినట్లు చెప్పబడుతున్న 200MP ఇమేజ్‌తో పాటు, 10x జూమ్‌తో తీసిన పక్షుల ఫోటోలు కూడా ఉన్నాయి. తాజా టీజర్ వీడియోలో 30FPS వద్ద స్టేబుల్ 8K వీడియో రికార్డింగ్ సామర్థ్యాన్ని కూడా Oppo ప్రదర్శించింది. అంతేకాకుండా 10-bit Log వీడియో రికార్డింగ్ మరియు సినిమాటిక్ LUT సపోర్ట్ కూడా ఈ ఫోన్‌లో ఉండనున్నట్లు వెల్లడించింది.మొత్తంగా చూస్తే Find X9 Ultra సిరీస్‌ను కెమెరా టెక్నాలజీలో మరో కొత్త స్థాయికి తీసుకెళ్లేలా Oppo రూపొందిస్తోంది. లాంచ్ డేట్ అధికారికంగా ప్రకటించిన వెంటనే మరిన్ని వివరాలు వెలుగులోకి వచ్చే అవకాశం ఉంది.