ఫ్యాన్స్ కు సారీ చెప్తున్నఏజెంట్ నిర్మాత... ఎందుకంటే..?
cinema | Suryaa Desk | Published : Fri, Apr 08, 2022, 04:39 PM
అక్కినేని అఖిల్ నటిస్తున్న కొత్త చిత్రం ఏజెంట్. సురేందర్ రెడ్డి దర్శకత్వంలో పేట్రియాటిక్, యాక్షన్ ఎంటర్టైనర్గా తెరకెక్కుతున్న ఈ చిత్రాన్ని AK ఎంటెర్టైన్మెంట్స్, సురేందర్ టు సినిమాస్ పతాకంపై అనిల్ సుంకర నిర్మిస్తున్నారు. సాక్షి వైద్య హీరోయిన్ గా నటిస్తున్న ఈ చిత్రంలో మలయాళ సూపర్ స్టార్ మమ్ముట్టి ఒక కీలక పాత్రలో నటించనున్నారు.
ఏప్రిల్ 8, శుక్రవారం అఖిల్ పుట్టినరోజు సందర్భంగా ఏజెంట్ టీజర్ విడుదల కావాల్సి ఉంది. టీజర్ కు బదులుగా పోస్టర్ తో అఖిల్ అభిమానులకు బర్త్ డే ట్రీట్ ఇచ్చారు నిర్మాతలు. దీంతో తమ అభిమాన హీరో నుండి టీజర్ రానందుకు అఖిల్ ఫ్యాన్స్ ఒకింత నిరుత్సాహానికి గురయ్యారు. అయితే ఏజెంట్ టీజర్ ను ఈ రోజు విడుదల చేయనందుకు ఆ చిత్ర నిర్మాత అనిల్ సుంకర అక్కినేని అభిమానులందరికి సారీ చెబుతూ హై క్వాలిటీతో కూడిన థియేట్రికల్ టీజర్ ను మే నెల్లో తప్పకుండా విడుదల చేస్తామని మాటిచ్చారు. ఈ మేరకు అనిల్ సుంకర అధికారికంగా ట్వీట్ చేసారు. పోతే... ఆగస్టు 12న ఈ మూవీ ప్రేక్షకుల ముందుకు రానుంది.
|
|