సమంత బర్త్ డే కి స్పెషల్ సర్ ప్రైజ్ ఇచ్చిన విజయ్ దేవరకొండ
cinema | Suryaa Desk | Published : Fri, Apr 29, 2022, 02:25 PM
టాలీవుడ్ యంగ్ అండ్ సేనాషనల్ హీరో విజయ్ దేవరకొండ, శివ నిర్వాణ దర్శకత్వంలో ఒక సినిమాని ప్రకటించిన సంగతి అందరికి తెలిసిందే. ఈ సినిమాలో విజయ్ దేవరకొండ సరసన గ్లామర్ బ్యూటీ సమంత రూత్ ప్రభు జంటగా కనిపించనుంది. ఈ సినిమా పూజా కార్యక్రమాలతో అధికారికంగా లాంచ్ అయింది. గ్లామర్ బ్యూటీ సమంత ఈ సినిమా షూటింగ్ కోసం కాశ్మీర్ కి వెళ్లినట్టు సమాచారం. సమంత ఈ సినిమా సెట్స్లో జాయిన్ అయ్యి షూటింగ్ను ప్రారంభించింది. సామ్ పుట్టినరోజు సందర్భంగా మూవీ టీమ్ అంత ఆమె కోసం సర్ ప్రైజ్ ప్లాన్ చేసి ఫేక్ సీన్ క్రియేట్ చేశారు. ఈ సీన్ షూటింగ్ సమయంలో, దాదాపు సామ్ కన్నీళ్లు పెట్టుకుంటున్న సమయంలో విజయ్ నిశ్శబ్దాన్ని ఛేదించి బర్త్ డే విషెస్ చెప్పాడు. ఈ వీడియోలో సామ్ థ్రిల్ అవుతూ చాలా అందంగా కనిపిస్తుంది. ఫ్యామిలీ ఎంటర్టైనర్ ట్రాక్ లో రానున్న ఈ సినిమాలో సచిన్ ఖేడాకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య తదితరులు కీలక పాత్రలు పోషిస్తున్నారు. హృదయం ఫేమ్ హేషమ్ అబ్దుల్ వహాబ్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ ఈ సినిమాని నిర్మిస్తుంది.
|
|