ఈ తరం హీరోయిన్లలో కళ్ళతోనే నటించగల ఏకైక నటి ఆమెనే - డైరెక్టర్ హను
cinema | Suryaa Desk | Published : Wed, May 04, 2022, 02:27 PM
సున్నితమైన ప్రేమకథలను హృద్యంగా తీయటంలో ప్రజ్ఞాశాలి దర్శకుడు హను రాఘవపూడి. తొలి సినిమా అందాల రాక్షసి తోనే తనేంటో చిత్రసీమకు నిరూపించుకున్నాడు. తాజాగా ఆయన దర్శకత్వంలో మలయాళ స్టార్ హీరో దుల్కర్ సల్మాన్ నటిస్తున్న చిత్రం లెఫ్టినంట్ రామ్ (వర్కింగ్ టైటిల్). మృణాల్ ఠాకూర్ హీరోయిన్ గా నటిస్తుండగా, నేషనల్ క్రష్ రష్మిక మండన్న కీలక పాత్రలో నటిస్తుంది. కాశ్మీరీ యువతీ అఫ్రీన్ గా రష్మిక ఇంటెన్స్ రోల్ ను ప్లే చేస్తుంది. తాజాగా జరిగిన ఒక ఇంటర్వ్యూలో దర్శకుడు హను మాట్లాడుతూ .. ఈ సినిమాలో రష్మిక హీరోయిన్ కాదు కానీ హీరో తరహా డాషింగ్ పాత్రలో నటిస్తుంది. కళ్ళతోనే భావాలు పలికించగల రష్మికను ఈ పాత్ర కోసం ఏరికోరి ఎంచుకున్నాను. అఫ్రీన్ - రష్మిక కోసమే పుట్టిన అరుదైన పాత్ర.... అంటూ చెప్పుకొచ్చాడు. గ్లామర్ పాత్రలతో తెలుగు, తమిళ, హిందీ, కన్నడ భాషలలో వరస సినిమాలు చేస్తూ రాకెట్ లా దూసుకుపోతున్న రష్మిక మలయాళంలో మాత్రం ఒక ఛాలెంజింగ్ రోల్ లో నటించనుండటం విశేషం. స్వప్న సినిమా ప్రొడక్షన్ నెం. 7 గా తెలుగు, తమిళ, మలయాళ భాషల్లో ఏకకాలంలో తెరకెక్కుతున్న ఈ చిత్ర షూటింగ్ చివరి దశలో ఉంది
|
|