త్వరలోనే టాలీవుడ్ కు రీఎంట్రీ ఇవ్వనున్న చిరుత హీరోయిన్... కానీ ఈ సారి...
cinema | Suryaa Desk | Published : Wed, May 04, 2022, 09:40 PM
మెగా పవర్ స్టార్ రామ్ చరణ్ తొలి సినిమా 'చిరుత' తో హీరోయిన్ గా టాలీవుడ్ కి ఎంట్రీ ఇచ్చింది నేహశర్మ. ఈ సినిమా సూపర్ హిట్ అయినప్పటికీ నేహాకు తెలుగులో సినిమా అవకాశాలు రాలేదు. 2009 లో వరుణ్ తేజ్ నటించిన కుర్రాడు సినిమా చేసి ఆపై బాలీవుడ్ బాట పట్టింది. అక్కడ వరస అవకాశాలతో స్టార్ హీరోయిన్ రేంజుకు ఎదగాలనుకున్న నేహా ఆశలు అడియాసలే అయ్యాయి. హిందీలో నేహాకు అవకాశాలైతే వచ్చాయి కానీ అవేవీ ఆమెకు స్టార్డం తీసుకురాలేకపోయాయి. ప్రస్తుతం ఒకటి అర సినిమాలు చేస్తూ కాలం వెళ్లబుచ్చుతుంది. సినిమా అవకాశాలు అంతంతమాత్రంగానే ఉన్న నేహా సోషల్ మీడియాలో 14 మిలియన్ల ఫాలోవర్లతో దూసుకుపోతుంది. గ్లామరస్ ఫోటోషూట్లతో ఫాలోవర్లకు ఊపిరాడకుండా చేస్తుంది. నేహా వయసు ప్రస్తుతం 34ఏళ్ళు అయినప్పటికీ స్వీట్ సిక్స్టీన్ లాగా కనిపిస్తూ, ఇంకా సినిమాలలో నటించటానికి సిద్ధంగా ఉంది.
తాజాగా నేహా టాలీవుడ్ కి రీఎంట్రీ ఇవ్వనున్నట్టు ఫిలిం నగర్ సర్కిల్స్ లో వార్తలు చక్కర్లు కొడుతున్నాయి. తెలుగులో కేవలం రెండే రెండు సినిమాలు చేసిన నేహా కమ్ బ్యాక్ లోనైనా మంచి అవకాశాలు రావాలని కోరుకుంటుంది. అయితే ఈ సారి కుర్రహీరోల పక్కన కాకుండా సీనియర్ హీరోల సరసన నటించనుందట. ఎలాగూ.. టాలీవుడ్లో చిరు, బాలయ్య, నాగ్, వెంకీ వంటి సీనియర్ హీరోల పక్కన నటించే హీరోయిన్స్ కోసం దర్శకనిర్మాతలు తెగ కష్టపడాల్సి వస్తుంది. ఈ తరుణంలో వారికీ నేహా చక్కటి ఉపాయం గా మారనుంది. నేహా రీఎంట్రీ ప్లాన్ సక్సెస్ అవ్వాలని మనం కూడా కోరుకుందాం.
|
|