బిగ్బాస్ హౌస్లోకి హాట్ బ్యూటీ ఎంట్రీ
cinema | Suryaa Desk | Published : Tue, Jul 24, 2018, 04:31 PM
బిగ్బాస్ తెలుగు సీజన్ 2లోకి హాట్ బ్యూటీ ఎంట్రీ ఇచ్చింది. అభిమానులకి పెద్దగా పరిచయం లేని కంటెస్టెంట్స్తో ఆరంభమైన ఈ సీజన్లో సంజన, భానుశ్రీ , తేజస్విని, దీప్తి సునైన కాస్త గ్లామర్ టచ్ ఇచ్చారు. కానీ.. కౌశల్ని విలన్ చేసే ప్రయత్నంలో ప్రేక్షకులకి అడ్డంగా దొరికిపోయి భానుశ్రీ , తేజస్విని వరుసగా బిగ్బాస్ హౌస్ నుంచి ఎలిమినేట్ అవగా.. సంజన అనవసర వాదనలతో ఆరంభంలోనే ఇంటి నుంచి వెలుపలికి వెళ్లిపోయింది. దీంతో.. ఇప్పుడు దీప్తి సునైనా మాత్రమే ఆ గ్లామర్ జాబితాలో మిగిలింది. నందిని ఉన్నా.. ఇటీవల కౌశల్తో గొడవలు, ఎలిమినేషన్కి నామినేట్ అవడం లాంటి సమస్యలు ఆమెని హౌస్లో ఉత్సాహంగా ఉండనివ్వడం లేదు. బిగ్బాస్ హౌస్లో మళ్లీ గ్లామర్ టచ్ని పెంచేందుకు వైల్డ్ కార్డ్ ఎంట్రీ ద్వారా హీరోయిన్ పూజా రామచంద్రన్ని సోమవారం రాత్రి ఇంట్లోకి ప్రవేశపెట్టారు. రాత్రి కంటెస్టెంట్స్ అందరూ నిద్రపోయిన తర్వాత.. నెమ్మదిగా బిగ్బాస్ హౌస్లోకి పూజా ప్రవేశించింది. తెలుగులో ‘స్వామిరారా’ ‘లవ్ ఫెయిల్యూర్’ సినిమాల్లో కీలక పాత్రలు పోషించిన పూజా రామచంద్రన్.. తమిళంలోనూ కొన్ని సినిమాల్లో నటించింది. ఈ వారం ఎలిమినేషన్కి కౌశల్, బాబు గోగినేని, గణేశ్, అమిత్, దీప్తి సునైనా, నందినిలు వచ్చారు.
|
|