అది లేకపోవడంతోనే "థాంక్యూ" ఫెయిల్ అయ్యిందా?
cinema | Suryaa Desk | Published : Sat, Jul 23, 2022, 04:36 PM
అక్కినేని నాగచైతన్య, రాశిఖన్నా జంటగా నటించిన "థాంక్యూ" నిన్ననే థియేటర్లలో విడుదలైంది. తొలిషోతోనే మిక్స్డ్ టాక్ తెచ్చుకున్న థాంక్యూ తొలిరోజు చైతు కెరీర్లోనే లీస్ట్ కలెక్షన్లను వసూలు చేసింది. భారీగా కురుస్తున్న వర్షాలు ఒక కారణం ఐతే, వీక్ నేరేషన్ మెయిన్ రీజన్.
చైతు గత చిత్రాలను ఒకసారి క్షుణ్ణంగా పరిశీలిస్తే, థాంక్యూ ఫెయిల్యూర్ కు మరొక కారణం కూడా ఉందని అనిపిస్తుంది. శివానిర్వాణ డైరెక్షన్లో చైతు, సమంత జంటగా నటించిన "మజిలీ", బాబీ డైరెక్షన్లో "వెంకీ మామ",శేఖర్ కమ్ముల డైరెక్షన్లో "లవ్ స్టోరీ,కళ్యాణ్ కృష్ణ డైరెక్షన్లో" బంగార్రాజు" ..ఈ చిత్రాలు టాలీవుడ్ బాక్సాఫీస్ వద్ద ఘనవిజయం సాధించాయి. ఆ సినిమాలలో చైతు తో పాటుగా మరొక X ఫ్యాక్టర్ కూడా ఉంది. ఆ ఫ్యాక్టర్లు ఏంటంటే, మజిలీలో సమంత, వెంకీమామ లో వెంకటేష్, లవ్ స్టోరీ లో సాయి పల్లవి, బంగార్రాజు లో నాగార్జున. చైతు కాకుండా మరొక క్రేజీ స్టార్ లేకపోవడమే థాంక్యూ ఫెయిల్యూర్ రీజన్స్ లో ఒకటి అయ్యే అవకాశాలున్నాయి. నిజానికి థాంక్యూ చిత్రాన్ని నాగచైతన్య తన భుజాన వేసుకుని నడిపించాడు. ఈ సినిమాతో నటుడిగా చైతు ఒక మెట్టు కాదు పది మెట్లు పైకెక్కాడనడంలో ఎలాంటి సందేహం లేదు. వీక్ స్టోరీ, స్లో నేరేషన్, సమ్ X ఫ్యాక్టరీ మిస్సింగ్.... థాంక్యూ ఫ్లాప్ కు మెయిన్ రీజన్స్
|
|