అక్టోబర్ లో జపాన్ పయనమవుతున్న చరణ్, తారక్
cinema | Suryaa Desk | Published : Fri, Sep 16, 2022, 04:24 PM
టాలీవుడ్ క్రియేటివ్ దర్శకుడు రాజమౌళి, బాహుబలి ఫ్రాంచైజీ సక్సెస్ తర్వాత తెరకెక్కించిన పాన్ ఇండియా చిత్రం "RRR". జూనియర్ ఎన్టీఆర్, రామ్ చరణ్, ఆలియాభట్, అజయ్ దేవగణ్ కీలకపాత్రలు పోషించారు. మార్చి 25న విడుదలైన ఈ చిత్రం క్రియేట్ చేస్తున్న రికార్డుల పర్వం ఇంకా ఆగలేదు. అత్యధిక కలెక్షన్లు సాధించిన నాల్గవ భారతీయ చిత్రంగా RRR చరిత్ర సృష్టించింది. భారతదేశంలోనే కాక, విదేశాల్లో కూడా RRR ప్రభంజనం సృష్టిస్తుంది.
పలువురు హాలీవుడ్ డైరెక్టర్లు, నటీనటులు, సినీప్రేమికులు RRR పై ప్రశంసల వర్షం కురిపిస్తున్నారు. లేటెస్ట్ అప్డేట్ ప్రకారం అక్టోబర్ 21, 2022 న జపాన్ లో RRR మ్యానియా షురూ కాబోతుంది. ఈ మేరకు చరణ్, తారక్ అక్టోబర్ లో జపాన్ వెళ్లి అక్కడ ప్రచార కార్యక్రమాల్లో పాల్గొనబోతున్నారని టాక్. ఎల్లలు దాటి తెలుగు సినిమా సత్తా చాటుతున్న RRR సినిమా జపాన్ లో విడుదలవ్వడం పట్ల చెర్రీ, తారక్ అభిమానులు సంతోషంగా ఉన్నారు.
|
|