నాగ చైతన్య బర్త్ డే స్పెషల్ ‘మజిలీ’ నుంచి
cinema | Suryaa Desk | Published : Thu, Nov 22, 2018, 02:35 PM
రియల్ లైఫ్ కపుల్ నాగచైతన్య, సమంత జోడీ రీల్ లైఫ్ కపుల్స్గా సందడి చేయబోతున్నారు. నిన్నుకోరి ఫేమ్ శివ నిర్వాన దర్శకత్వంలో కలిసి నటిస్తున్నారు. ఈ ఇద్దరూ నటిస్తున్న నాలుగో సినిమా ఇది. ఈ క్రేజీ కాంబినేషన్ను తన కథతో మరింత క్రేజీగా మార్చేస్తున్నారు దర్శకుడు శివ నిర్వాన. ‘మజిలీ’ అనే టైటిల్ ప్రచారంలో ఉంది. కొన్ని రోజులుగా వైజాగ్లో జరుగుతున్న షెడ్యూల్ పూర్తయ్యింది. నవంబర్ 26 నుంచి హైదరాబాద్లో కొత్త షెడ్యూల్ జరగనుంది.
ఇప్పటి వరకు 40 శాతం షూటింగ్ పూర్తి చేసుకున్న ఈ మూవీ షూటింగ్ శరవేగంగా సాగుతుంది. దివ్యాంశ కౌశిక్ ఈ చిత్రంలో రెండో హీరోయిన్గా నటిస్తున్నారు. తణికెళ్ళ భరణి, రావు రమేష్, పోసాని కృష్ణమురళి, సుబ్బరాజు ఇతర కీలకపాత్రల్లో నటిస్తున్నారు. ఈ రొమాంటిక్ డ్రామాకు గోపీసుందర్ సంగీతం అందిస్తుండగా.. విష్ణు శర్మ సినిమాటోగ్రఫీ అందిస్తున్నారు. షైన్ స్క్రీన్ బ్యానర్లో సాహు గరపాటి, హరీష్ పెద్ది ఈ చిత్రాన్ని నిర్మిస్తున్నారు. నాగచైతన్య, సమంత, దివ్యాంశ కౌశిక్, రావు రమేష్, సుబ్బరాజు, పోసాని కృష్ణమురళి, తణికెళ్ళ భరణి, రవిప్రకాశ్, కరణ్, రాజశ్రీ నాయర్ తదితరులు ఈ చిత్రంలో నటిస్తున్నారు. కాగా రేపు (నవంబర్ 23) నాగ చైతన్య బర్త్ డే కావడంతో సర్ ప్రైజ్కి ప్లాన్ చేసింది చిత్ర యూనిట్.
|
|