వోగ్ కవర్ పేజీ పై కత్రిన
cinema | Suryaa Desk | Published : Tue, Dec 04, 2018, 09:26 AM
వోగ్ కవర్ పేజీ ఒణికింది. కత్రిన దెబ్బకు షేకైంది. ఇది అలాంటిలాంటి ఫోటోషూట్ కాదని ఇలా చూడగానే చెప్పేయొచ్చు. కత్రిన మునుపెన్నడూ కనిపించనంత అల్ట్రా మోడ్రన్ లుక్ లో కనిపించింది. రింగుల జుత్తును మరింతగా వొంకీలు తిప్పి మొహంపై విరబోసి.. గాలికి ఎగిరిపోతున్న దుపటా డిజైనర్ బాటమ్ని అడ్డుకుంటూ.. కొత్తగా మత్తుగా కనిపించింది. ఇంకా చెప్పాలంటే పాశ్చాత్య అందగత్తెల మత్తయిన చిత్తయిన లుక్తో కవ్వించింది.
34 ప్లస్ వయసులోనూ క్యాట్ లో ఇంకా వేడి పెరుగుతోందే కానీ - తరగడం లేదు. టీనేజీ కథానాయికలకు ఈ సీనియర్ బ్యూటీ నుంచి టఫ్ కాంపిటీషన్ మునుముందు కూడా కంటిన్యూ కానుందని సన్నివేశం చెబుతోంది. ధూమ్3 - టైగర్ జిందా హై - థగ్స్ ఆఫ్ హిందూస్తాన్.. అన్నీ భారీ చిత్రాలతో అభిమానుల్ని అలరించింది. థగ్స్ ఆఫ్ హిందూస్తాన్ ఫ్లాపైనా - కత్రిన సరయ పాత్ర కళ్ల ముందు నుంచి కరిగిపోలేదింకా.
ఇకపై కింగ్ ఖాన్ షారూక్ సరసన నటిస్తున్న `జీరో` - భాయ్ సల్మాన్ సరసన నటిస్తున్న `భరత్` చిత్రాల్లో విభిన్నమైన పాత్రలు పోషిస్తోంది. షారూక్ సినిమాలో తన రియల్ లైఫ్ పాత్రను పోషిస్తోంది. భరత్ చిత్రంలో 20-60 వయసు..రకరకాల దశల్లో రకరకాల గెటప్పులతో అలరించనుంది. ఓన్లీ స్టార్ హీరోస్ ప్లీజ్! అన్నట్టే అవకాశాలు అందుకుంటోంది. నటించేవన్నీ మినిమం 500కోట్ల క్లబ్ గ్యారెంటీ.
|
|