రజనీకాంత్ న్యూ ఇయర్ గిఫ్ట్
cinema | Suryaa Desk | Published : Mon, Dec 31, 2018, 12:35 PM
కార్తీక్ సుబ్బరాజు దర్శకత్వంలో రజనీకాంత్, త్రిష ప్రధాన పాత్రలుగా తెరకెక్కిన చిత్రం పేట. జనవరి 10న విడుదల కానున్న ఈ చిత్రం జోరుగా ప్రమోషన్ కార్యక్రమాలు జరుపుకుంటుంది. ఇటీవల చిత్ర ట్రైలర్ తమిళ వర్షెన్లో విడుదల కాగా, దీనికి భారీ రెస్పాన్స్ వచ్చింది. తెలుగు ట్రైలర్ కోసం అభిమానులు ఎంతో ఆసక్తిగా ఎదురు చూస్తుండగా, కొద్ది సేపటి క్రితం ప్రోమో వీడియో విడుదల చేశారు. న్యూ ఇయర్ విషెస్ చెబుతూ.. సంక్రాంతికి పేటలో కలుస్తాను అని రజనీకాంత్ చెప్పే డైలాగ్ ఆకట్టుకుంటుంది.
ట్రైలర్ని త్వరలోనే విడుదల చేయనున్నారు. ఇక చిత్ర ప్రీ రిలీజ్ ఫంక్షన్ను వచ్చే నెల మొదటి వారంలో భారీగా, విభిన్నంగా నిర్వహించనున్నట్లు సమాచారం. చిత్రంలో రజనీకాంత్ కళాశాల వార్డెన్గా, ఫ్లాష్బ్యాక్లో సైనిక అధికారిగా రెండు భిన్నమైన పాత్రల్లో కనిపించనున్నట్లు సమాచారం. అనిరుధ్ రవిచంద్రన్ చిత్రానికి సంగీతం అందించనున్నారు. సిమ్రాన్, విజయ్ సేతుపతి, బాబీ సింహా, మేఘా ఆకాశ్, నవాజుద్దీన్ సిద్ధిఖీ చిత్రంలో ముఖ్య పాత్రలు పోషించారు.
|
|