విశాల్ పెళ్ళిపై క్లారిటీ – ఎంగేజ్ మెంట్ ఇక్కడే!

మన టాలీవుడ్ లో మోస్ట్ ఎలిజబుల్ బ్యాచిలర్ అంటే చెప్పడానికి చాలా పేర్లు ఉన్నాయి. ప్రభాస్, రానా ఇలా ఇంకా చాలా మంది హీరోలు ఉన్నారు. మరి తమిళ ఇండస్ట్రీలో మోస్ట్ ఎలిజబుల్ బ్యాచ్ లర్ ఎవరంటే టక్కున వినిపించే పేరు విశాల్. ఇప్పటికే శరత్ కుమార్ కూతురు వరలక్ష్మీ శరత్ కుమార్ ను విశాల్ పెళ్లి చేసుకోబోతున్నట్టు వార్తలు హల్ చల్ చేసిన సంగతి తెలిసిందే. గతంలో వరలక్ష్మితో ప్రేమ వ్యవహారం నడిపారు విశాల్. అయితే తరువాత శరత్ కుమార్‌తో వివాదంతో వరలక్ష్మితో లవ్‌కి బ్రేకప్ చెప్పేసినట్టు వార్తలు వచ్చిన సంగతి కూడా విదితమే. వరలక్ష్మీ కూడా తమ మధ్య ఎలాంటి రిలేషన్ లేదని ఇప్పటికే చేప్పేశారు. అయినా కూడా విశాల్, వరలక్ష్మీ కి సంబంధించి పుకార్లు షికారు చేస్తూనే ఉన్నాయి. అయితే ఇప్పుడు ఆ పుకార్లకు బ్రేక్ పడినట్టే. విశాల్ పెళ్ళికి సంబంధించి.. విశాల్ తండ్రి వెటరన్ ప్రొడ్యూసర్ జీ.కే రెడ్డి ఆసక్తికర విషయాలు తెలిపారు. తమిళ్ లో ఓ ఛానల్ ఇంటర్వ్యూలో పాల్గొన్న జీ.కే రెడ్డి విశాల్ పెళ్లి గురించి మాట్లాడుతూ.. అనీషా అనే అమ్మాయితో విశాల్ పెళ్లి జరగనుందని… అంతేకాదు.. విశాల్ ఎంగేజ్ మెంట్ హైదరాబాద్ లోనే జరగనుందని ఆసక్తికర విషయాలు తెలిపారు.నిజానికి విశాల్ తమిళ హీరో అయినప్పటికీ.. తెలుగు ప్రజలతో మంచి అనుబంధమే ఉంది. పైగా విశాల్ తండ్రి, తాతలు కూడా తెలుగు వారే కావడంతో ఇక్కడే విశాల్ పెళ్ళి కార్యక్రమాలు చేస్తున్నట్టు తెలుస్తోంది. మొత్తానికి విశాల్ పెళ్ళి విషయంలో ఓ క్లారిటీ ఇచ్చేశారు జీ.కే రెడ్డి. ఇకనైనా విశాల్ పెళ్ళి విషయంలో గాసిప్స్ కు అడ్డుకట్ట పడుతుందేమో చూద్దాం.