శ్రీదేవి బయోపిక్లో నటించే అవకాశం వస్తే…తప్పకుండా నటిస్తా : రకుల్
cinema | Suryaa Desk | Published : Wed, Jan 30, 2019, 09:59 AM
ప్రేక్షకాభిమానులు మా పట్ల చూపే అభిమానం వల్లే మేము ఈ స్థాయిలో ఉన్నాం. అయితే సోషల్మీడియాలో ప్రేక్షకాభిమానులు వేసే కొన్ని ప్రశ్నలు కోపం తెప్పిస్తున్నాయి. దానివల్లే నేను ఆగ్రహంతో అలా ప్రతిస్పందించాను తప్ప వాకు ఎలాంటి వేరే ఉద్దేశ్యం లేదని రకుల్ప్రీత్సింగ్ అంటోంది. తెలుగులో వెంకీమామ చిత్రం చేస్తున్న ఆమె చేతిలో ఇప్పుడు తమిళ, హిందీ భాషలలో ఐదు చిత్రాలు ఉన్నాయి. తమిళంలో కార్తి సరసన ఆమె నటించిన దేవ్ చిత్రం ఫిబ్రవరి 14న వాలెంటైన్స్ డే సందర్భంగా విడుదలవుతుం డగా…అదే రోజున సూర్య సరసన ఆమె నటిస్తున్న మరో తమిళ చిత్రం ఎన్జీకే టీజర్ విడుదలకానుంది. ఆ రోజున తనకు డబుల్ ధమాకా అంటూ ఆమె మురిసిపోతోంది. వారిద్దరి సరసన తాను నటించిన చిత్రాలు తప్పకుండా ప్రేక్షకుల ఆదరణను చూరగొంటాయని, తమిళంలో కూడా తనకు మంచిపేరు వస్తుందన్న నమ్మకాన్ని ఆమె వ్యక్తంచేసింది. అన్నదమ్ముల చిత్రాలలో నటించడం గురించి రకుల్ స్పందిస్తూ…ఇది ఓ గొప్ప అనుభూతి అని చెప్పుకొచ్చింది. చరిత్ర కథాంశం, బయోపిక్ ఇతివృత్తంతో రూపొందే చిత్రాలలో నటించాలని తనకు కోరిక ఉందని అంటూ శ్రీదేవి బయోపిక్లో నటించే అవకాశం వస్తే…తప్పకుండా నటిస్తానని ఆమె స్పష్టం చేసింది.
|
|