తెలుగు తెరమీదకు వస్తున్న ది గ్రేట్ ఖలీ..
cinema | Suryaa Desk | Published : Thu, Jan 31, 2019, 12:56 AM
ది గ్రేట్ ఖలీ(దలీప్ సింగ్ రాణా) అనగానే మనకు ఒక ఎత్తైన విగ్రహం లాంటి భారీ మనిషి మనసులో మెదులుతాడు. కండలు తిరిగిన దేహంతో డబ్ల్యూడబ్ల్యూఈలో ఎన్నో పతకాలు సాధించి భారత ఖ్యాతిని ప్రపంచానికి చాటిన బాడీ బిల్డర్ ఖలీ. 2014లో రెజ్లింగ్ వృత్తిలో ఆయన ఎనిమిదో అత్యంత పొడవైన వ్యక్తిగా చరిత్ర సృష్టించారు. 2017లో డబ్ల్యూడబ్ల్యూఈలో నాలుగో అత్యంత పొడవైన వ్యక్తిగా గుర్తింపు తెచ్చుకున్నారు. ఇప్పుడు ఆయన గురించి ఎందుకంటే ఆయన జీవిత కథ ఆధారంగా ఓ సినిమా రాబోదోంది. ఈ సినిమాకు దర్శకత్వం ఎవరు వహిస్తున్నారంటే జయంత్ సి. పరాన్జీ. ప్రేమించుకుందాం రా, ఈశ్వర్, ప్రేమంటే ఇదేరా, శంకర్ దాదా ఎంబీబీఎస్ ఈ మధ్యే జయదేవ్ వంటి సూపర్ హిట్ సినిమాలకు దర్శకత్వం వహించిన జయంత్ ఈ సినిమాను తెరకెక్కించే పనిలో పడ్డారు. ఈ సినిమాకు ‘నరేంద్ర’ అనే టైటిల్ను ఖరారు చేస్తూ చిత్రబృందం సోషల్ మీడియాలో ఫస్ట్లుక్ను విడుదల చేసింది. ఖలీ పాత్రలో నీలేశ్ నటిస్తున్నారు. ‘మిస్టర్ మజ్ను’ చిత్రంలో నటించిన బ్రెజిలియన్ మోడల్, నటి ఇసబెల్ లీత్ ఇందులో కథానాయికగా నటిస్తున్నారు. రామ్ సంపత్ సంగీతం అందిస్తున్నారు. షూటింగ్ మొదలు పెట్టినట్టు చిత్ర యూనిట్ తెలిపారు. త్వరలోనే షూటింగ్ ముగించి ప్రేక్షకుల ముందుకు తీసుకువస్తామని అన్నారు.
|
|