OTTలో సెన్సేషన్ ని సృష్టిస్తున్న 'విరూపాక్ష'
cinema | Suryaa Desk | Published : Thu, May 25, 2023, 08:53 PM
కార్తీక్ దండు దర్శకత్వంలో సుప్రీమ్ హీరో సాయిధరమ్ తేజ్ నటించిన 'విరూపాక్ష' సినిమా తెలుగు, తమిళం, మలయాళం, కన్నడ మరియు హిందీ భాషల్లో ఏప్రిల్ 21, 2023న గ్రాండ్ గా విడుదల అయ్యింది. ఈ సినిమాలో సాయి ధరమ్ తేజ్ సరసన జోడిగా సంయుక్త మీనన్ నటించింది. ఈ మిస్టరీ థ్రిల్లర్ బాక్స్ఆఫీస్ వద్ద 100 కోట్లు వసూలు చేసింది అంతేకాకుండా ఈ సినిమా సాయి ధరమ్ తేజ్ కెరీర్‌లో అత్యధిక వసూళ్లు సాధించిన చిత్రంగా నిలిచింది.
ఈ సినిమా యొక్క డిజిటల్ స్ట్రీమింగ్ హక్కులను నెట్‌ఫ్లిక్స్ సొంతం చేసుకున్న సంగతి అందరికి తెలిసిందే. ఈ సినిమా మే 21, 2023 నుండి OTT ప్లాట్‌ఫారమ్‌ నెట్‌ఫ్లిక్స్‌లో స్ట్రీమింగ్ కి అందుబాటులోకి వచ్చింది. తాజా అప్డేట్ ప్రకారం, ఈ చిత్రం OTTలో కూడా అద్భుతమైన స్పందనను పొందుతోంది. ఈ సినిమా ప్రస్తుతం నెట్‌ఫ్లిక్స్ ఇండియా మూవీస్ విభాగంలో అగ్రస్థానంలో ఉంది. ఈ చిత్రంలో బ్రహ్మాజీ, అజయ్, సునీల్ తదితరులు ముఖ్య పాత్రలు పోషిస్తున్నారు. శ్రీ వెంకటేశ్వర సినీ చిత్ర, సుకుమార్ రైటింగ్స్ సంయుక్తంగా ఈ సినిమాని నిర్మిస్తున్నాయి.
|
|