రష్యాలో భారీ స్థాయిలో విడుదల కానున్న కింగ్ ఖాన్ చిత్రం
cinema | Suryaa Desk | Published : Sat, Jun 10, 2023, 06:43 PM
సిద్ధార్థ్ ఆనంద్ దర్శకత్వంలో బాలీవుడ్ బాద్‌షా షారూఖ్ ఖాన్ నటించిన యాక్షన్ థ్రిల్లర్ 'పఠాన్' థియేటర్లలో సంచలనాత్మక మరియు రికార్డ్-బ్రేకింగ్ ప్రదర్శన తర్వాత ఈ చిత్రం ఇప్పుడు హిందీ, తెలుగు మరియు తమిళ భాషలలో ప్రైమ్ వీడియోలో డిజిటల్ స్ట్రీమింగ్ కి అందుబాటులోకి వచ్చింది. ఈ స్పై యాక్షన్ థ్రిల్లర్ బాక్సాఫీస్ వద్ద 500 కోట్లకు పైగా వసూళ్లు సాధించగా ప్రస్తుతానికి 2023లో భారతదేశంలో అత్యధిక వసూళ్లు సాధించిన చిత్రంగా పఠాన్ నిలిచింది.
లేటెస్ట్ అప్డేట్ ప్రకారం, ఈ బ్లాక్ బస్టర్ మూవీ జులై 13న రష్యాలో గ్రాండ్ గా రిలీజ్ కానుంది. రష్యన్ వెర్షన్ 3000కి పైగా స్క్రీన్లలో విడుదల కానున్నట్లు సమాచారం. ఈ థ్రిల్లర్ డ్రామాలో బ్యూటీ క్వీన్ దీపికా పదుకొణె కథానాయికగా నటిస్తుంది. హ్యాండ్సమ్ హంక్ జాన్ అబ్రహం,సల్మాన్ ఖాన్, డింపుల్ కపాడియా, అశుతోష్ రానా మరియు ఇతరులు ఈ బిగ్గీలో కీలక పాత్రలో కనిపించనున్నారు. యష్ రాజ్ ఫిల్మ్స్ ఈ సినిమాని నిర్మించింది. ఈ చిత్రానికి విశాల్ మరియు షేకర్ సంగీతం అందించారు.
|
|