ఆఫీసియల్ : OTT విడుదల తేదీని ఖరారు చేసిన 'బిచ్చగాడు 2'
cinema | Suryaa Desk | Published : Thu, Jun 15, 2023, 07:00 PM
స్టార్ హీరో విజయ్ ఆంటోని నటించిన మరియు దర్శకత్వం వహించిన 'బిచ్చగాడు 2' మే 2023లో థియేటర్లలో విడుదలైంది. ఈ సినిమా తమిళనాడు కంటే తెలుగు రాష్ట్రాల్లో ఘనమైన ఓపెనింగ్స్ సాధించింది. ఈ సినిమా యొక్క డిజిటల్ స్ట్రీమింగ్ హక్కులను డిస్నీ ప్లస్ హాట్‌స్టార్ సొంతం చేసుకున్న సంగతి అందరికి తెలిసిందే. తాజా సమాచారం ప్రకారం, బిచ్చగాడు 2 జూన్ 18, 2023న డిస్నీ ప్లస్ హాట్‌స్టార్‌లో తమిళం, తెలుగు మరియు ఇతర ప్రధాన భారతీయ భాషల్లో స్ట్రీమింగ్ కి అందుబాటులోకి రానున్నట్లు స్ట్రీమింగ్ ప్లాటుఫార్మ్ అధికారికంగా ప్రకటించింది.
ఈ చిత్రంలో కావ్యా థాపర్‌ కథానాయికగా నటించింది. విజయ్ ఆంటోని సంగీతం అందించిన ఈ చిత్రంలో దేవ్ గిల్, రాధా రవి, వై.జి.మహేంద్రన్, మన్సూర్ అలీఖాన్, హరీష్ పెరడి, జాన్ విజయ్ మరియు యోగి బాబు ముఖ్య పాత్రలు పోషించారు. విజయ్ ఆంటోని భార్య ఫాతిమా విజయ్ ఈ ప్రాజెక్ట్‌ని విజయ్ ఆంటోని ఫిల్మ్ కార్పొరేషన్ బ్యానర్‌పై నిర్మించారు.
|
|