విదేశీ భాషలలో కూడా విడుదల కానున్న విజయ్ 'లియో'
cinema | Suryaa Desk | Published : Thu, Jun 22, 2023, 08:44 PM
కోలీవుడ్ స్టార్ డైరెక్టర్ లోకేష్ కానగరాజ్ తన తదుపరి సినిమాని తలపతి విజయ్ తో చేస్తున్న సంగతి తెలిసిందే. ఈ చిత్రానికి 'లియో' అనే టైటిల్ ని మూవీ మేకర్స్ లాక్ చేసారు. విజయ్ సరసన ఈ సినిమాలో త్రిష జోడిగా నటిస్తుంది. ఇటీవలే, ఈ చిత్రం యొక్క ఫస్ట్ లుక్ పోస్టర్‌ను మూవీ మేకర్స్ ఆవిష్కరించారు. ఈ పోస్టర్ ఆన్‌లైన్‌లో కొత్త రికార్డులను నెలకొల్పింది మరియు విజయ్ అభిమానుల నుండి విపరీతమైన స్పందన పొందింది.
తాజా సమాచారం ప్రకారం, లియో ప్రధాన భారతీయ భాషలలో మాత్రమే కాకుండా విదేశీ భాషలలో కూడా విడుదల చేయనున్నట్లు నిర్మాత లలిత్ కుమార్ ట్విట్టర్ ద్వారా వెల్లడించారు. ఈ సినిమా యొక్క డిజిటల్ స్ట్రీమింగ్ సొంతం చేసుకున్నందున, ఈ చిత్రాన్ని జర్మన్ మరియు ఇతర విదేశీ భాషలలో విడుదల చేయాలనే తమ ప్రణాళికలను లలిత్ కుమార్ పేర్కొన్నారు. లియో అక్టోబర్ 19, 2023న సినిమా థియేటర్స్ లో విడుదల కానుంది.
ఈ చిత్రంలో ప్రియా ఆనంద్, సంజయ్ దత్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్, మన్సూర్ అలీ ఖాన్ మరియు డ్యాన్స్ మాస్టర్ శాండీ కీలక పాత్రలలో కనిపించనున్నారు. ఈ చిత్రానికి అనిరుధ్ సంగీతం అందించనున్నారు. ఈ చిత్రాన్ని సెవెన్ స్క్రీన్ స్టూడియో భారీ స్థాయిలో నిర్మించనుంది.
|
|