'ఉస్తాద్ భగత్ సింగ్' లో సాక్షి వైద్య
cinema | Suryaa Desk | Published : Thu, Jun 22, 2023, 08:48 PM
హరీష్ శంకర్ దర్శకత్వంలో టాలీవుడ్ పవర్‌స్టార్ పవన్ కళ్యాణ్ ఒక సినిమాని ప్రకటించిన సంగతి అందరికి తెలిసిందే. ఈ సినిమాకి 'ఉస్తాద్ భగత్ సింగ్' అనే టైటిల్‌ను మేకర్స్ ఖరారు చేసారు. లేటెస్ట్ రిపోర్ట్స్ ప్రకారం, ఈ సినిమాలో సాక్షి వైద్య ఒక కీలక పాత్రలో కనిపించనున్నట్లు వార్తలు వినిపిస్తున్నాయి. సాక్షి వైద్య అఖిల్ ఏజెంట్ సినిమాతో తెరంగేట్రం చేసిన సంగతి తెలిసిందే. ఈ చిత్రం బాక్సాఫీస్ వద్ద పరాజయం పాలైనప్పటికీ, సాక్షి వైద్య లుక్ అందరి హృదయాలను దోచుకుంది.
ఈ మాస్ ఎంటర్‌టైనర్‌లో శ్రీలీల కథానాయికగా నటిస్తోంది. మైత్రీ మూవీ మేకర్స్ పతాకంపై నవీన్ యెర్నేని, వై రవిశంకర్‌లు భారీ ఎత్తున ఈ చిత్రాన్ని నిర్మిస్తున్నారు. ఈ కమర్షియల్ ఎంటర్‌టైనర్‌లో అశుతోష్ రానా, గౌతమి, నాగ మహేష్, టెంపర్ వంశీ కీలక పాత్రలు పోషిస్తున్నారు. రాక్‌స్టార్‌ దేవిశ్రీ ప్రసాద్‌ ఈ సినిమాకి సంగీతం అందిస్తున్నారు.
|
|