సిద్దార్థ్ టక్కర్ ఓటీటీ విడుదల ఎప్పుడో తెలుసా.?

హీరో సిద్ధార్థ్ నుంచి ఇటీవల టక్కర్ మూవీ వచ్చింది.జూన్ 9వ తేదీ న టక్కర్ సినిమా థియేటర్లలో విడుదల అయింది.ఫుల్ యాక్షన్ థ్రిల్లర్ గా వచ్చింది సిద్ధార్థ్ టక్కర్ సినిమా.అయితే, ఈ చిత్రం కూడా అతడికి నిరాశనే మిగిల్చింది. బాక్సాఫీస్ వద్ద ఈ సినిమా డిజాస్టర్‌గా నిలిచింది. ఓ మోస్తరు కలెక్షన్స్ కూడా రాలేదు.దీంతో సిద్ధార్థ్ కెరీర్ లో మరో ప్లాఫ్ సినిమా వచ్చి పడింది. అయితే, ఈ టక్కర్ చిత్రం ఓటీటీలోకి వచ్చేందుకు సిద్ధమవుతోందని సమాచారం.టక్కర్ మూవీ స్ట్రీమింగ్ హక్కులను ప్రముఖ ఓటీటీ ప్లాట్‍ఫామ్ అయిన నెట్‍ఫ్లిక్స్ సొంతం చేసుకుంది. జూలై 6న నెట్‍ఫ్లిక్స్‌ ఓటీటీలో కి టక్కర్ సినిమా రానుందని సమాచారం.. అయితే ఈ విషయంపై అధికారిక ప్రకటన అయితే రావాల్సి ఉంది. అతిత్వరలో అధికారిక ప్రకటన వచ్చే అవకాశం ఉంది..

టక్కర్ మూవీలో సిద్ధార్థ్‌కు జోడీగా దివ్యాంశ కౌశిక్ నటించిన విషయం తెలిసిందే.యూత్ ఫుల్ యాక్షన్ డ్రామాగా ఈ చిత్రం తెరకెక్కింది.టక్కర్ సినిమాకు కార్తీక్ జీ దర్శకత్వం వహించాడు. పేద కుటుంబం నుంచి వచ్చి డబ్బు సంపాదించాలనేదే లక్ష్యంగా పెట్టుకున్న యువకుడి పాత్రలో సిద్ధార్థ్ నటించాడని సమాచారం.ఈ మూవీ అంతా కూడా డబ్బు మరియు లవ్ చుట్టూ తిరుగుతుంది.అయితే టక్కర్ మూవీకి ప్రేక్షకుల నుంచి మంచి ఆదరణ లభించలేదు. రివ్యూలు కూడా నెగటివ్ గానే వచ్చాయి. ఈ సినిమాలో కొన్ని సన్నివేశాల్లో యాక్షన్ ఆకట్టుకున్నా కొంత స్లోనేరేషన్ ప్రేక్షకులకు విసుగు తెప్పించింది.టక్కర్ సినిమాలో యోగి బాబు, అభిమన్యు సింగ్, మునిస్కాంత్ మరియు ఆర్జే విఘ్నేశ్ కాంత్ ముఖ్య పాత్రల్లో కనిపించారు. నివాస్ ప్రసన్న ఈ సినిమాకు సంగీతం అందించాడు. సుధాన్ సుందరం మరియు జీ జయరామ్ ఈ చిత్రాన్ని నిర్మించారు.ఈ చిత్రం భారీ హిట్ అవుతుందని ప్రమోషన్స్ కూడా భారీగానే చేసారు. కానీ ఊహించని స్థాయిలో ప్లాప్ గా నిలిచింది.